دہلی: ملک کے متعدد شہروں سے جنتا کرفیو کے وسیع پیمانے پر اثر ہونے کی اطلاع ہے، قومی راجدھانی خطہ دہلی میں میٹرو خدمات بند کر دی گئی ہیں اور سڑکیں خالی نظر آ رہی ہیں
ایک طرف جہاں ملک بھر میں کورونا وائرس کو پھینکے کے اقدام کے طور پر جنتا کرفیو کا اہمتام کیا جا رہا ہے وہیں کچھ شرپسندوں کی شاہین باغ کے تئیں نفرتیں کم ہونے کا نام نہیں لے رہیں۔ شاہین باغ میں پٹرول بم پھینکے جانے کی اطلاع موصول ہوئی ہے۔
سی اے اے مخالف مظاہرین کا کہنا ہے کہ جائے مظاہرہ کے نزدیک پٹرول بم پھینکا گیا ہے۔ ریلنگ کے نزدیک پٹرول بم سے لگی آگ کے شعلے تصاویر میں بھی نظر آ رہے ہیں۔
Delhi: Protesters at Shaheen Bagh allege that a petrol bomb was hurled nearby the anti-Citizenship Amendment Act protest site today pic.twitter.com/tHVzQfmKii
— ANI (@ANI) March 22, 2020
واضح رہے کہ جنتا کرفیو کو شاہین باغ مظاہرین نے بھی حمایت دی ہے اور اب صرف علامتی طور پر ایک دو خواتین دھرنے کے مقام پر موجود ہیں اور باقی سبھی اپنے گھروں کو لوٹ گئی ہیں۔ دریں اثنا، ’‘رات 9 بجے کے بعد انٹری ہوگی، دھرنے جاری‘ لکھ کر پچے بھی یہاں چسپاں کئے گئے ہیں۔