ایودھیا اراضی تنازعہ: سنی وقف بورڈ چیئرمین نے دعویٰ واپسی کے لیے عدالت میں داخل کی عرضی
سپریم کورٹ میں ایودھیا اراضی تنازعہ کی آخری دن کی سماعت جاری ہے۔ اس درمیان ایک بڑی بات سامنے آئی ہے۔ بتایا جا رہا ہے کہ سنی وقف بورڈ کے چیئرمین ظفر احمد فاروقی کی جانب سے عدالت میں شری رام پنچو کے ذریعہ ایک درخواست پیش کی گئی ہے جس میں اس کیس سے اپنا دعویٰ واپس لیے جانے کی بات کہی گئی ہے۔ شری رام پنچو ثالثی کمیٹی کا ایک حصہ تھے۔ حالانکہ عدالت کی جانب سے ابھی اس پر کوئی تبصرہ نہیں آیا ہے۔
ایودھیا کیس چھوڑنے سے متعلق سنی وقف بورڈ کے کسی حلف نامہ کا ہنوز سپریم کورٹ میں تذکرہ نہیں
ایک طرف بابری مسجد اور رام مدنر اراضی معاملہ پر سپریم کورٹ میں سماعت جاری ہے اور دوسری طرف سنی وقف بورڈ کے ذریعہ کیس واپس لینے کے لیے حلف نامہ بذریعہ ثالثی پینل داخل کیے جانے کی خبروں سے لوگوں میں تذبذب کی حالت دیکھی جا رہی ہے۔ حالانکہ کچھ میڈیا ذرائع نے اس طرح کی خبروں کو غلط بتایا ہے کہ اتر پردیش سنی وقف بورڈ کے ذریعہ کوئی حلف نامہ داخل کیا گیا ہے۔ چونکہ سپریم کورٹ میں بھی ابھی تک کی سماعت کے دوران سنی وقف بورڈ کے کسی حلف نامہ کا تذکرہ نہیں کیا گیا ہے، اس لیے کئی طرح کی غلط فہمی کا بازار گرم ہے۔ حالانکہ سنی وقف بورڈ اگر اس کیس سے اپنا قدم واپس کھینچ بھی لتیا ہے تو باقی مسلم فریق کے برقرار رہنے پر کیس کی نوعیت یا فیصلے میں کوئی فرق پڑتا ہوا نظر نہیں آ رہا ہے۔
#NewsAlert – I have just heard that the Supreme Court has rejected Wakf Board's affidavit. But even if it were accepted, it would not have affected the case as there are still other petitioners in the case: SQR Ilyasi | #AyodhyaTwist #AyodhyaDeadline pic.twitter.com/sPo1IKqwW1
— News18 (@CNNnews18) October 16, 2019
جموں و کشمیر: اننت ناگ میں سیکورٹی فورسز کے ساتھ تصادم میں 3 دہشت گرد ہلاک
جموں و کشمیر کے پولس افسروں نے جانکاری دی ہے کہ جنوبی کشمیر میں سیکورٹی فورسز کے ساتھ تصادم میں تین دہشت گرد مارے گئے ہیں۔ یہ سبھی حزب المجاہدین سے تعلق رکھتے تھے۔
Jammu & Kashmir Police: All three Hizbul Mujahideen terrorists led by commander Nasir Chadru are reported dead in the encounter in Anantnag. https://t.co/ohbVLliXla
— ANI (@ANI) October 16, 2019
جموں و کشمیر: دفعہ 370 ہٹانے کے خلاف مظاہرہ کرنے والی فاروق عبداللہ کی بیٹی عدالتی حراست میں
15 اکتوبر کو جموں و کشمیر کے سری نگر میں سول سوسائٹی کی خواتین کے ذریعہ مودی حکومت کے خلاف احتجاجی مظاہرہ کیا گیا تھا۔ ریاست سے دفعہ 370 ہٹائے جانے کے خلاف لال چوک پر ہوئے اس مظاہرہ کی قیادت سابق وزیر اعلیٰ فاروق عبداللہ کی بیٹی صفیہ اور بہن ثریا کر رہی تھیں۔ کل ان دونوں کو ہی بی ایس ایف کے جوانوں نے حراست میں لے لیا تھا اور تازہ خبروں کے مطابق صفیہ کو آج عدالتی حراست میں بھیج دیا گیا ہے۔
Jammu and Kashmir Police: Dr Farooq Abdullah (in file pic) is detained at his house in Srinagar. His daughter Safiya who was detained during a protest against abrogation of #Article370 yesterday, is in judicial custody. pic.twitter.com/UHjY4jwsUL
— ANI (@ANI) October 16, 2019
ایودھیا کیس: سپریم کورٹ میں آج سماعت مکمل ہونے کی امید، سبھی کو فیصلے کا انتظار
بابری مسجد اور رام جنم بھومی اراضی تنازعہ سے متعلق سپریم کورٹ میں آج سماعت مکمل ہو سکتی ہے۔ 15 اکتوبر کو ہی چیف جسٹس آف انڈیا نے اس کیس کی سماعت کے دوران کہا تھا کہ 16 اکتوبر کو سماعت کی آخری تاریخ ہوگی اور بدھ کو ہی سماعت مکمل کرنے کی پوری کوشش کی جائے گی۔ یہ بات کہتے ہوئے عدالت نے مسلم اور ہندو دونوں فریقوں کو دلیل دینے کے لیے کہا ہے۔ منگل کو عدالت نے کہا کہ بدھ کو ایک گھنٹہ مسلم فریق جواب دیں گے جب کہ چار فریق کو 45-45 منٹ ملیں گے۔ آج ایودھیا معاملہ کی سماعت ختم ہونے کی پوری امید ہے اور اس کے بعد سبھی کو فیصلے کا انتظار رہے گا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-