دہلی کی 1797 غیر قانونی کالونیوں کو مستقل کرنے کا فیصلہ
مرکزی وزیر پرکاش جاوڈیکر نے کہا ، ’’کابینہ نے دہلی میں غیر قانونی کالونیوں میں مقیم 40 لاکھ افراد کو حق ملکیت دینے کا تاریخی فیصلہ لیا ہے۔‘‘
دہلی میں کل 1797 غیر قانونی کالونیاں ہیں جن میں سے تین کالونیوں کو چھوڑ دیا گیا ہے۔ سینک فارمز، مہندررو انکلیو اور اننت رام ڈیری کو ان کالونیوں کی فہرست میں شامل نہیں کیا گیا ہے جن کو مستقل کیا جا رہا ہے۔ بتایا جارہا ہے کہ یہ غیر قانونی کالونیاں سرکاری اراضی، کھیتی کی زمین اور گرام سبھا اراضی پر تعمیر شدہ ہیں۔ کالونیوں کو مستقل بنانے کے دوران سرکل ریٹ کا کچھ فیصد ریگولرائزیشن فیس کے طور پر وصول کیا جائے گا۔
Union Minister Prakash Javadekar: Cabinet has taken historic decision to give ownership rights to 40 lakhs people living in unauthorised colonies in Delhi. pic.twitter.com/ooy8Zy4oYD
— ANI (@ANI) October 23, 2019
کملیش تیواری قتل معاملہ: گرفتار اشفاق شیخ اور معین الدین کے لیے 72 گھنٹے کا سفری ریمانڈ منظور
منگل کی شب گرفتار اشفاق شیخ اور معین الدین پٹھان کو گجرات کی ایک عدالت نے 72 گھنٹے کا سفری ریمانڈ دیا ہے۔ کملیش تیواری قتل معاملہ میں اہم ملزم اشفاق اور معین الدین کو اب لکھنؤ کی پولس احمد آباد سے لے کر لکھنؤ آئے گی تاکہ اس سے آگے کی پوچھ تاچھ کی جائے۔ اس کے لیے لکھنؤ پولس کی 4 رکنی ٹیم پہلے ہی احمد آباد پہنچ چکی ہے۔
#KamleshTiwariMurder case: A court in Ahmedabad (Gujarat) has granted 72 hours transit remand for accused Ashfaq and Moinuddin.
— ANI (@ANI) October 23, 2019
سینئر کانگریس لیڈر ڈی. کے. شیو کمار کو عدالت نے دی بڑی راحت، ضمانت منظور
دہلی ہائی کورٹ نے منی لانڈرنگ معاملے میں کرناٹک کے سینئر لیڈر ڈی کے شیو کمار کو 25 ہزار روپے کے نجی مچلکے پر ضمانت دے دی۔ وہ فی الحال عدالتی حراست میں ہیں۔ ان کی ضمانت عرضی کو ٹرائل کورٹ نے پہلے خارج کر دیا تھا۔
Delhi High Court grants bail to the Karnataka Congress leader DK Shivakumar on a personal bond of Rs 25 lakh in connection with a money laundering case. He was currently in judicial custody and his bail plea was rejected by the trial Court earlier. pic.twitter.com/hejoZ9D1y0
— ANI (@ANI) October 23, 2019
غازی آباد: آرڈیننس فیکٹری کے باہر بدمعاشوں نے ’رام-رام‘ کہتے ہوئے نوجوان کو مار دی گولی
اتر پردیش کے غازی آباد میں وزارت دفاع کے ماتحت آنے والی آرڈیننس فیکٹری کے باہر ایک نوجوان کا بدمعاشوں نے گولی مار کر قتل کر دیا۔ بتایا جا رہا ہے کہ دو بدمعاشوں نے پہلے ’رام-رام‘ بولا اور پھر نوجوان پر 5 گولیاں داغ دیں۔ گولی مارنے کے بعد بدمعاش موقع سے فرار ہو گئے۔ آرڈیننس فیکٹری کے باہر ہوئے اس واقعہ کے بعد ہنگامہ برپا ہو گیا۔ یہ واردات منگل کے روز سرزد ہوا۔ فی الحال علاقے میں سیکورٹی سخت کر دی گئی ہے۔
کرناٹک: سیلاب نے 18 اکتوبر سے اب تک 13 لوگوں کی جان لے لی
کرناٹک میں سیلاب کی وجہ سے حالات کافی بدتر ہو رہے ہیں۔ صورت حال یہ ہے کہ 18 اکتوبر 2019 سے اب تک کل 13 لوگوں کی جان چلی گئی ہے۔ سیلاب کے سبب لوگ کافی پریشان ہیں اور ان کے لیے رہنے کے علاوہ کھانے پینے کے بھی مسائل پیدا ہو گئے ہیں۔
#KarnatakaFloods2019 : From 18th October 2019 till today, total 13 persons have died.
— ANI (@ANI) October 23, 2019
سورو گانگولی بی سی سی آئی کے صدر منتخب، بورڈ میٹنگ میں ہوا فیصلہ
بورڈ آف کنٹرول فار کرکٹ اِن انڈیا یعنی بی سی سی آئی کی ممبئی میں منعقد میٹنگ کے دوران سورو گانگولی کو باضابطہ بورڈ کا صدر منتخب کر لیا گیا۔ ہندوستان کے سابق کپتان نے صدر کی ذمہ داری سنبھالتے ہوئے خوشی کا اظہار کیا اور ہندوستانی کرکٹ کو مضبوط کرنے کے لیے ضروری قدم اٹھائے جانے کا عزم ظاہر کیا۔
Mumbai: Sourav Ganguly takes charge as the President of Board of Control for Cricket (BCCI). pic.twitter.com/H3GgszLNKt
— ANI (@ANI) October 23, 2019
جموں و کشمیر: نوشیرا علاقے میں پاکستان نے کی جنگ بندی کی خلاف ورزی، فائرنگ میں ایک جوان شہید
پاکستان جموں و کشمیر سرحد پر لگاتار جنگ بندی کی خلاف ورزی کرتا رہا ہے اور گزشتہ شب بھی اس نے نوشیرا میں فائرنگ کی۔ اس فائرنگ میں ایک جوان کے شہید ہونے کی اطلاع موصول ہو رہی ہے۔ ہندوستانی فوجیوں نے پاکستان کی اس فائرنگ کا منھ توڑ جواب دیا۔ بتایا جاتا ہے کہ پاکستان نے پونچھ کے میڈھر سیکٹر میں بھی فائرنگ کی اور ہندوستانی چوکیوں کو نشانہ بنایا۔ اتنا ہی نہیں، پاکستان نے رہائشی علاقوں میں بھی گولے برسائے جس میں کچھ شہری زخمی بھی ہوئے۔ ایک زخمی خاتون کو فوراً پولس والوں نے ایمبولنس کے ذریعہ اسپتال پہنچایا۔
کملیش تیواری قتل: لکھنؤ پولس کی 4 رکنی ٹیم اہم ملزمان اشفاق اور معین الدین کو لانے جائے گی گجرات
کملیش تیواری قتل معاملہ کے اہم ملزمین اشفاق شیخ اور معین الدین پٹھان اس وقت گجرات اے ٹی ایس کے قبضے میں ہیں جنھیں راجستھان-گجرات سرحد سے گزشتہ شب گرفتار کیا گیا۔ ان دونوں کو لکھنؤ لانے کے لیے لکھنؤ پولس کی ایک چار رکنی ٹیم آج احمد آباد کے لیے روانہ ہوگی۔
#KamleshTiwari murder case: A 4-member team of Lucknow Police is going to Ahmedabad today. Two accused Ashfaq and Moinuddin Pathan were arrested last night from Gujarat-Rajasthan border near Shamlaji by Gujarat Anti-Terrorism Squad (ATS).
— ANI UP (@ANINewsUP) October 23, 2019
اہم ملزمین کی گرفتاری سے خوش کملیش کی ماں نے کہا ’’دونوں کو پھانسی دو‘‘
کملیش تیواری قتل واقعہ کے دونوں اہم ملزمین اشفاق شیخ اور معین الدین پٹھان کو گجرات اے ٹی ایس نے راجستھان سرحد سے گرفتار کیا جس کی خبر سن کر کملیش کی ماں کسم تیواری نے خوشی کا اظہار کیا ہے۔ انھوں نے میڈیا کے سامنے بیان دیا ہے کہ میں ملزمین کی گرفتاری سے خوش ہوں اور جلد سے جلد انھیں پھانسی دیا جانا چاہیے۔
Kusum Tiwari, mother of #KamleshTiwari on arrest of accused persons in her son's murder case: We are very happy with the arrest of the accused persons, they should all be hanged. I'm satisfied by the government's action. (22.10.19) #Sitapur pic.twitter.com/Xb4kB5XtXE
— ANI UP (@ANINewsUP) October 23, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-