جموں و کشمیر: دہشت گردوں نے کیا گرینیڈ سے حملہ، 1 شہری ہلاک، متعدد زخمی
جموں و کشمیر کے سری نگر واقع مولانا آزاد روڈ پر دہشت گردوں کے ذریعہ گرینیڈ حملہ کیے جانے کی اطلاع موصول ہوئی ہے۔ اس حملہ میں ایک شہری کے ہلاک ہونے کی بھی خبر ہے۔ میڈیا ذرائع کے مطابق 20 دیگر شہری زخمی بھی ہوئے ہیں جن میں کچھ کی حالت تشویشناک ہے۔
10 injured in a grenade attack in a market on Maulana Azad road in #Srinagar. #JammuandKashmir https://t.co/5c0c9LaBFj
— National Herald (@NH_India) November 4, 2019
ایودھیا معاملے میں عدالت کے فیصلے کا احترام کریں: نریندر گری
پریاگ راج: اکھل بھارتیہ اکھاڑا پریشد کے صدر نریندر گری نے سادھو سنتوں اور عام شہریوں سے اپیل کی ہے کہ وہ ایودھیا معاملے میں سپریم کورٹ کے ہر فیصلے کا احترام کرتے ہوئے سماجی ہم آہنگی کو نقصان پہنچانے والا کوئی قدم نہ اٹھائیں۔ مہنت گری نے پیر کو کہا کہ بی جے پی کے سکریٹری سنیل بنسل سے انہوں نے کل لکھنؤ میں ملاقات کی تھی، ملاقات کے دوران ایودھیا معاملے میں سپریم کورٹ کے ممکنہ فیصلے پر تبادلہ خیال کے ساتھ سماجی ہم آہنگی کو قائم رکھنے کے سلسلے میں بھی بات ہوئی ہے۔ انہوں نے سپریم کورٹ کے آنے والے فیصلے کو دیکھتے ہوئے سادھوں۔سنتوں اور سبھی افراد سے امن و امان بنائے رکھنے کی اپیل کی ہے۔ اکھاڑے کے صدر نے کہا کہ قومی سالمیت اور اتحاد کو یقینی بنانے سماجی ہم آہنگی کا ہونا ضروری ہے۔ دہائیوں پرانے متنازعہ زمین معاملے میں عدالت کا جوبھی فیصلہ ہو سبھی کو اس کا احترام کرنا چاہیے۔
مغربی دہلی میں شدید آگ، فائر بریگیڈ کے تین اہلکار جھلسے
نئی دہلی: مغربی دہلی کے پیراگڑھی علاقے میں ایک چار منزلہ عمارت میں پیر کو شدید آگ لگ گئی جس پر قابو پانے کے دوران فائربریگیڈ کے تین اہلکار جھلس گئے۔ فائربریگیڈ کے ذرائع نے پیر کو بتایا کہ آج صبح آگ لگنے کی اطلاع ملی تھی۔ اس کے بعد فائربریگیڈ کے 25 اہلکاروں کو جائے وقوع پر روانہ کیا گیا ہے۔ آگ پر قابو پانے کی مہم کے دوران عمارت گر گئی۔ اس دوران فائربریگیڈ کے تین اہلکار جھلس گئے۔ اس حادثے میں کسی دیگر کے ہلاک ہونے کی اطلاع نہیں ہے۔ آگ لگنے کی وجوہات کے بارے میں فی الحال پتہ نہیں چل سکا ہے۔
دہلی کی تیس ہزار کورٹ میں تصادم، وکلا کی حمایت میں حیدرآباد کی عدالتوں میں کام کا بائیکاٹ
حیدرآباد: دہلی کے تیس ہزاری کورٹ احاطہ میں ہفتہ کو دہلی پولس اور وکلا کے تصادم کے واقعہ پر وکلا کی حمایت میں تمام عدالتوں کے کام کا وکلا نے بائیکاٹ کیا ہے۔ ان وکلا نے پولس کی کارروائی کی مذمت کی ہے۔ تلنگانہ کے وکلا نے تلنگانہ ہائی کورٹ کے قریب ریلی نکالی اور وکلا کے ساتھ زیادتی کرنے والی پولس کے خلاف سخت کارروائی کرنے کا مطالبہ کیا۔ ان وکلا نے پولس کے خلاف نعرے بازی بھی کی۔
سپریم کورٹ کے باہر وکلاء نے کیا مظاہرہ
دہلی کی تیس ہزاری کورٹ میں 2 نومبر کو پولس کے ساتھ جھڑپ میں زخمی ہوئے وکلاء کو 10-10 لاکھ روپے معاوضہ دینے کا مطالبہ سمیت مختلف مسائل کو لے کر سپریم کورٹ کے باہر وکلاء نے احتجاج کیا۔
Delhi: Lawyers protest outside Supreme Court over different issues, including demand of Rs 10 lakhs compensation each to the lawyers who were injured in clash with police at Tis Hazari court on 2nd November. pic.twitter.com/I2BqUL9Gm3
— ANI (@ANI) November 4, 2019
تیس ہزاری کورٹ کے بعد اب کڑکڑڈوما کورٹ میں ہنگامہ، وکلاء نے پولس اہلکار کو پیٹا
دہلی کی تیس ہزاری کورٹ میں ہوئے تشدد کے بعد کڑکڑڈوما کورٹ میں پولس اور وکلاء کے درمیان تصادم کی خبر آ رہی ہے، بتایا جا رہا ہے کہ وکلاء نے ایک پولس اہلکار کی پٹائی کر دی ہے، موقع پر بڑی تعداد میں پولس پہنچ گئی ہے۔
سمندری لٹیروں نے ناروے کے جہاز کے 9 اراکین کو بنایا یرغمال
اوسلو: سمندری لٹیروں نے مغربی افریقی سمندری سرحد کےعلاقے میں ناروے کے ایک بحری جہاز پر حملہ کرکے ان کے پائلٹ عملے کے 9 ارکان کو یرغمال بنا لیا ہے۔ شپنگ کمپنی جے جے اگلینڈ نے ایک بیان جاری کرکے کہا کہ ’’ہزارا جہاز ایم وی بونٹا پر سمندری لٹیروں نے ہفتہ کی صبح اس وقت حملہ کیا جب وہ سامان خالی کرنے کے لئے كوتو نوؤ میں رکا ہوا تھا۔ لیٹروں نے پائلٹ عملے کے 9 ارکان کو اغوا کر لیا۔ کمپنی کی ڈیزاسٹر ریلیف فورس کی ٹیم جانچ میں مصروف ہے اور متعلقہ حکام کو بھی اس واقعہ کے متعلق معلومات دے دی گئی ہے‘‘۔ بیان میں کہا گیا ہے کہ اہل خانہ کو اغوا کرنے کے معاملے میں اطلاع دے دی گئی ہے۔ یرغمال بنائے گئے پائلٹ عملے کے ارکان کی حفاظت کے پیش نظر اس واقعہ پر زیادہ تبصرہ نہیں کیا جا سکتا۔ ناروے کی وزارت خارجہ کے ترجمان گری سولبرگ نے ناروے نیوز ایجنسی کو بتایا کہ اس واقعہ میں ناروے کے شہری ملوث نہیں ہیں۔ ناروے کے میڈیا نے ناروے شپ اونرس ایسوسی ایشن کے حوالے سے بتایا کہ سمندری لٹیرے فلپائن کے شہری ہیں۔
عدالتی فیصلے سے قبل ایودھیا زمینی تنازعہ سے متعلق سوشل میڈیا پوسٹ پر لگی روک
ایودھیا کے ڈی ایم انوج کمار جھا نے ایودھیا زمینی تنازعہ معاملہ پر آنے والے فیصلے کے پیش نظر سوشل میڈیا پر پیغامات نشر کرنے اور پوسٹر چسپاں کرنے پر پابندی لگا دی ہے۔ ڈی ایم انوج کمار جھا کے مطابق ان سے فرقہ وارانہ ہم آہنگی خراب ہوسکتی ہے۔ یہ حکم 28 دسمبر، 2019 تک لاگو رہے گا۔
Ayodhya District Magistrate, Anuj Kumar Jha prohibits social media messages & posters on Ayodhya land case, that could disturb communal harmony, in view of upcoming festivals & verdict in Ayodhya land case. Prohibition will stay in force till 28th December, 2019.
— ANI UP (@ANINewsUP) November 4, 2019
ایران کی مہان ایئر نے دسمبر سے اٹلی کے لئے فضائی خدمات معطل کی
تہران: ایران کی مہان ایئر نے دسمبر سے اٹلی کے لئے اپنی پروازوں کو معطل کرنے کا اعلان کیا ہے۔ ایسوسی ایشن آف ایرانی ایئر لائنز ( اے آئی اے) کے سربراہ مسعود اسدی سلمانی نے گزشتہ روز کہا کہ ایران کی مہان ایئر نے دسمبر سے اٹلی کے لئے پروازوں کو معطل کرنے کا اعلان کیا ہے۔ اٹلی کے روم اور میلان شہروں کے لئے 21 دسمبر تک پروازیں جاری رہیں گی۔ امریکہ کے دباؤ میں اٹلی نے مہان ایئر پر پابندی عائد کی ہے۔ امریکہ اس اقدام کے ذریعے ایران کے ہوا بازی صنعت کو نشانہ بنا رہا ہے۔ واضح ر ہے کہ ہفتہ کو اٹلی کے ایوی ایشن حکام نے کہا تھا کہ ایران کی مہان ایئر کی روم اور میلان کے لیے پروازوں کو دسمبر سے روک دیا جائے گا۔ گزشتہ برس دسمبر میں دو یورپی ممالک جرمنی اور فرانس نے مہان ایئر کی پروازوں پر پابندی عائد کی تھی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-