اہم خبر: جے این یو طلبا یونین انتخاب کے لیے ووٹنگ جاری، طلبا پُرجوش

دہلی: جواہر لال نہرو یونیورسٹی میں طلبا یونین انتخاب کے پیش نظر ووٹنگ جاری

جواہر لال نہرو یونیورسٹی کے طلبا یونین انتخاب کے پیش نظر آج ووٹنگ ہو رہی ہے۔ ووٹنگ دو مراحل میں صبح 9.30 بجے سے دوپہر 1 بجے تک اور دوپہر 2.30 بجے سے شام 5.30 بجے تک ہوں گے۔ ابھی پہلے مرحلے کی پولنگ کا عمل جاری ہے اور طلبا اپنے حق کا استعمال کرنے کے لیے بڑی تعداد میں بوتھ پر پہنچ رہے ہیں۔

دہلی: چاندنی چوک رکن اسمبلی الکا لامبا نے عام آدمی پارٹی سے استعفیٰ دیا

دہلی واقع چاندنی چوک سے رکن اسمبلی الکا لامبا نے عام آدمی پارٹی کی رکنیت سے استعفیٰ دے دیا۔ الکا لامبا نے یہ جانکاری اپنے ٹوئٹر ہینڈل سے دیتے ہوئے لکھا ہے کہ ’’عآپ کو گڈ بائے کہنے کا وقت آ گیا ہے۔ پارٹی کے پرائمری ممبر شپ سے استعفیٰ دے دیا۔‘‘

ہندوستان تاریخ رقم کرنے کے لیے تیار، آج چاند پر اترے گا چندریان- 2

خلا کی دنیا میں ہندوستان آج رات تاریخ رقم کرنے کے لیے پوری طرح تیار ہے۔ جب چندریان-2 چاند پر اترے گا تو اس کا براہ راست نشریہ پورا ملک دیکھ رہا ہوگا۔ چندریان-2 کا وکرم لینڈر ہفتہ کی علی الصبح چاند کی سطح پر اترے گا۔ وکرم لینڈر کی یہ سافٹ لینڈنگ اگر کامیاب رہتی ہے تو روس، امریکہ اور چین کے بعد ہندوستان ایسی کامیابی حاصل کرنے والا دنیا کا چوتھا ملک بن جائے گا۔ وکرم لینڈر ہفتہ کی صبح ایک سے دو بجے کے درمیان چاند پر اترنے کے لیے نیچے کی جانب چلنا شروع کرے گا اور رات ڈیڑھ سے ڈھائی بجے کے درمیان یہ زمین کے سیٹلائٹ کے جنوبی قطبی علاقہ میں اترے گا۔ وزیر اعظم نریندر مودی خود اس لمحے کو دیکھنے کے لیے اِسرو کے بنگلورو سنٹر میں موجود رہیں گے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-