اہم خبر: امریکہ میں 14 سالہ لڑکی کے ہاتھوں اپنے گھر کے 5 افراد کا قتل

امریکہ میں 14 سالہ لڑکی کے ہاتھوں اپنے گھر کے 5 افراد کا قتل

میامی: امریکی ریاست الاباما میں ایک 14 سالہ لڑکی نے پستول سے اندھا دھند فائرنگ کرکے اپنے خاندان کے 5 افراد کو موت کے گھاٹ اتار دیا اور اس کے بعد اس نے خود کو پولس کے حوالے کردیا ہے۔ خبر رساں اداروں کے مطابق یہ المناک واقعہ الاباما ریاست کے الکمنٹ شہر میں ایک گھر کے اندر پیش آیا۔ فائرنگ کے نتیجے میں تین افراد موقع پرہلاک ہوگئے جبکہ دو نے اسپتال میں دم توڑ دیا۔

علاقائی پولس چیف نے ٹوئٹر پر بتایا ہے اپنے خاندان کے پانچ افراد کو قتل کرنے والی لڑکی نے خود کو پولس کے حوالہ کردیا ہے اور اس سے پوچھ تاچھ جاری ہے۔ لڑکی نے قتل کے جرم کا اعتراف کیا ہے۔ حکام کا کہنا ہے کہ لڑکی نے فائرنگ کے لیے 9 ملی میٹر والی پستول استعمال کی۔ یہ واقعہ اوائل شب میں پیش آیا۔ ذرائع ابلاغ کے مطابق امریکہ میں ہرسال گھریلو جھگڑوں پر فائرنگ کے اوسطاً 36 ہزار واقعات رپورٹ ہوتے ہیں۔

ڈی کے شیو کمار کی طبیعت ناساز، ڈاکٹروں نے دیا آرام کا مشورہ: یوتھ کانگریس صدر

کانگریس لیڈر ڈی کے شیو کمار اس وقت دہلی کے آر ایم ایل اسپتال میں داخل ہیں اور ان کا علا چل رہا ہے۔ یوتھ کانگریس صدر شری نواس نے ان سے اسپتال جا کر ملاقات کی۔ ملاقات کے بعد انھوں نے میڈیا کو بتایا کہ ”ان کی طبیعت بگڑنے کے سبب ان کا صحت بھی خراب ہو گیا ہے۔ ڈاکٹروں نے انھیں آرام کا مشورہ دیا ہے، لیکن انفورسمنٹ ڈائریکٹوریٹ انھیں لے جانے کی کوشش کر رہا ہے۔“ قابل ذکر ہے کہ منگل کے روز ڈی کے شیو کمار کو انفورسمنٹ ڈائریکٹوریٹ نے گرفتار کیا تھا۔ اس دوران بلڈ پریشر ہائی ہونے کے بعد شیو کمار کو اسپتال لے جایا گیا تھا۔ خبروں کے مطابق اسپتال میں ان کی طبیعت ٹھیک نہیں ہے اور اس کی وجہ سے انھوں نے پوری رات جاگ کر گزاری۔

جموں و کشمیر ایشو پر پاکستانی حامیوں نے لندن میں ہندستانی ہائی کمیشن کی عمارت پر کیا حملہ

جموں و کشمیر سے دفعہ 370 ہٹائے جانے کے بعد پاکستان اور اس کے حامیوں کی بوکھلاہٹ جاری ہے۔ لندن میں ہندستانی ہائی کمیشن کے باہر پاکستانی حامیوں نے زبردست احتجاجی مظاہرہ کیا۔ اس دوران انھوں نے نعرے بازی کرتے ہوئے پتھراو بھی کیا۔ پتھراو میں ہندوستانی ہائی کمیشن کی عمارت کے شیشے ٹوٹ گئے ہیں۔ پاکستانی حامیوں کے پرتشدد مظاہرہ میں عمارت کو نقصان پہنچنے کی جانکاری ہندوستانی ہائی کمیشن نے خود ٹوئٹ کے ذریعہ دی ہے۔ تصویر میں ہندوستانی ہائی کمیشن کی عمارت کے ٹوٹے ہوئے شیشے صاف نظر آ رہے ہیں۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-