اہم خبر: اعظم خان کے تبصرہ پر لوک سبھا میں زبردست ہنگامہ، کارروائی کا مطالبہ

اعظم خان کے بیان پر لوک سبھا میں زبردست ہنگامہ، کارروائی کا مطالبہ

لوک سبھا میں آج اعظم خان کے اس متنازعہ بیان پر زبردست ہنگامہ ہوا جو انھوں نے 25 جولائی کو ایوان کی کارروائی چلا رہی رما دیوی پر کیا تھا۔ آج اس بیان پر خواتین اراکین نے اپنی بات رکھی اور اعظم خان کے خلاف سخت کارروائی کا مطالبہ کیا۔ لوک سبھا میں موجود مرد اراکین نے بھی سماجوادی پارٹی لیڈر اعظم خان کے خلاف کارروائی کا مطالبہ کیا تاکہ آئندہ سے کوئی اس طرح کی زبان کسی خاتون کے لیے استعمال نہ کر سکے۔

موب لنچنگ معاملہ پر مودی حکومت کو جھٹکا، سپریم کورٹ نے جاری کیا نوٹس

سپریم کورٹ نے موب لنچنگ کے معاملے میں مرکزی وزیر داخلہ کو نوٹس جاری کی اہے۔ عدالت میں مفاد عامہ عرضی داخل کر 2018 میں سپریم کورٹ کے ذریعہ اس معاملے میں دیے گئے ایک فیصلہ کو ٹھیک سے نافذ کرانے کا مطالبہ کیا گیا ہے۔ اسی عرضی پر سماعت کرتے ہوئے عدالت عظمیٰ نے آج مرکزی وزارت داخلہ کو نوٹس جاری کیا ہے۔ مودی حکومت کے لیے یہ نوٹس کسی جھٹکا سے کم نہیں ہے۔

کرناٹک: گورنر سے یدی یورپا کی ملاقات، حکومت سازی کا دعویٰ کیا پیش

کرناٹک میں حکومت بنانے کے لیے ریاست کے بی جے پی صدر بی ایس یدی یورپا نے گورنر سے آج صبح ملاقات کی۔ گورنر سے مل کر انھوں نے حکومت سازی کا دعویٰ پیش کر دیا ہے۔ میڈیا ذرائع کے مطابق یدی یورپا نے یہ اعلان بھی کیا ہے کہ وہ آج شام 6 بجے وزیر اعلیٰ عہدہ کا حلف لیں گے۔

سماجوادی پارٹی نے موب لنچنگ پر قانون بنانے کا کیا مطالبہ، راجیہ سبھا میں دیا نوٹس

سماجوادی پارٹی کے رکن پارلیمنٹ روی پرکاش ورما نے راجیہ سبھا میں موب لنچنگ کو روکنے کے لیے قانون بنانے کے مطالبے کو لے کر وقفہ صفر نوٹس دیا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-