اقلیتی طلباءکواسکالرشپ آمدنی کی حد بڑھادی گئی

ممبئی:5 نومبر(ورق ِتازہ نیوز)مہاراشٹر اقلیتی طبقہ کے طلباءکو بارہویں سے آگے اور اعلیٰ تعلیم حاصل کرنے کےلئے ریاستی حکومت کی جانب سے اسکالرشپ منظور کی جاتی ہے ۔ جس کے لئے طلباءکو اپنے سرپرستوں کاآمدنی کا سرٹیفکیٹ داخل کرنا ہوتا ہے ۔ اب تک سالانہ آمدنی کی حد دو لاکھ 50ہزار روپے مقرر تھی لین ریاستی حکومت نے 3نومبر 2018 کو اپنے ایک فیصلہ میں آمدنی کی حد سالانہ 8لاکھ روپے کردی ہے ۔ اقلیتی طبقہ میں مسلم ‘ پارسی‘ سکھ ‘جین ‘نوبودھ ]عیسائی سماج کاشمارہوتا ہے ۔یہ فیصلہ 3نومبر سے لاگو ہوچکا ہے۔