شہر کے مکاتبِ اسلامیہ کے درمیان دوسرا آل ناندیڑ عظیم الشان مسابقۃ القرآن الکریم

ناندیڑ: قرآنِ کریم اللہ تعالیٰ کی عظیم کتاب اور انسانیت کے لیے سرچشمۂ ہدایت ہے۔ نئی نسل کے دلوں میں قرآنِ کریم کی محبت پیدا کرنا، اس کی تعلیم و تلاوت کا ذوق پروان چڑھانا اور بچوں کی دینی و اخلاقی تربیت کو مضبوط بنانا وقت کی اہم ضرورت ہے۔ اسی مقصد کے پیشِ نظر رابطہ مکاتب ناندیڑ کی جانب سے شہر ناندیڑ کے مکاتبِ اسلامیہ کے درمیان دوسرے آل ناندیڑ عظیم الشان مسابقۃ القرآن الکریم کے انعقاد کا اعلان کیا جاتا ہے۔

یہ مسابقہ طلبہ کی قرآنی صلاحیتوں کو نکھارنے، ان کی حوصلہ افزائی کرنے اور مکاتبِ دینیہ میں جاری تعلیمی و تربیتی سرگرمیوں کو فروغ دینے کی ایک اہم کوشش ہے۔ اس کے ذریعے طلبہ کو اپنی محنت اور صلاحیتوں کے اظہار کا موقع ملے گا، نیز مکاتب کے درمیان تعلیمی سرگرمیوں کو مزید مؤثر بنانے میں مدد ملے گی۔

مسابقے کی فروعات

طلبہ کی تعلیمی استعداد کو ملحوظ رکھتے ہوئے مسابقے کو تین فروعات میں تقسیم کیا گیا ہے:

فرع اوّل: ناظرۂ قرآنِ کریم، پارہ نمبر 1 تا 10۔

فرع دوم: پارۂ عمّ مکمل، ناظرۂ قرآنِ کریم۔

فرع سوم: نورانی قاعدہ مکمل، تختی نمبر 1 تا 24۔

مسابقے کے مقاصد

اس مسابقے کا بنیادی مقصد طلبہ میں قرآنِ کریم کی تعلیم و تلاوت کا شوق پیدا کرنا، ان کی حوصلہ افزائی کرنا، دینی تعلیم کے معیار کو بہتر بنانا اور مکاتبِ اسلامیہ کی تعلیمی و تربیتی خدمات کو فروغ دینا ہے۔

علماء کرام، ائمۂ مساجد، ذمہ دارانِ مکاتب اور اساتذۂ کرام سے گزارش ہے کہ اس مبارک دینی سرگرمی میں بھرپور تعاون فرمائیں اور اپنے مکاتب کے طلبہ کو مسابقے میں شرکت کے لیے تیار کریں۔ سرپرستانِ طلبہ بھی بچوں کی حوصلہ افزائی کریں، تاکہ زیادہ سے زیادہ طلبہ اس قرآنی مسابقے سے مستفید ہوسکیں۔

رجسٹریشن کی آخری تاریخ

25 نومبر 2026ء

تمام ذمہ دارانِ مکاتب سے گزارش ہے کہ مقررہ تاریخ سے پہلے اپنے طلبہ کی رجسٹریشن مکمل کرلیں۔

رجسٹریشن اور مزید معلومات کے لیے رابطہ کریں

رابطہ نمبر:

📞 091469 55868
📞 096899 90304
📞 097669 72997
📞 8446713635

منجانب: رابطہ مکاتب، ناندیڑ