عمران طاہر کی ہیٹ ٹرک سے بنے نئے ریکارڈز

جنوبی افریقی اسپنر عمران طاہر نے زمبابوے کے خلاف ہیٹ ٹرک اسکور کر کے نیا عالمی ریکارڈ قائم کردیا اور یہ کارنامہ انجام دینے والے سب سے عمردراز کھلاڑی بن گئے۔

پاکستانی نژاد جنوبی افریقی اسپنر نے شاندار بالنگ کرتے ہوئے صرف 24 رنز کے عوض 6 وکٹیں حاصل کیں اور اس دوران لیگ اسپنر نے شان ولیمز، پیٹر مور اور برینڈن مووٹا کو لگاتار تین گیندوں پر آؤٹ کرکے ون ڈے کرکٹ میں ہیٹ ٹرک کرنے کا اعزاز حاصل کر لیا اور یہ اعزاز حاصل کرنے والے دنیا کے سب سے عمر دراز کرکٹر بن گئے۔
عمران طاہر نے 39 برس 190 دن کی عمر میں یہ کارنامہ انجام دے کر عالمی ریکارڈ بنایا۔ ان سے قبل یہ ریکارڈ رنگنا ہیراتھ کے پاس تھا جنہوں نے 2016 میں 38 برس اور 138 دن کی عمر میں ہیٹ ٹرک کر کے یہ ریکارڈ بنایا تھا۔
عمران طاہر جنوبی افریقہ کی جانب سے ہیٹ ٹرک حاصل کرنے والے چوتھے کرکٹر ہیں اور ان سے قبل چارل لینگویلڈ، جین پال ڈومینی اور کگیسو ربادا یہ کارنامہ انجام دے چکے ہیں۔
ہیٹ ٹرک کا کارنامہ بھی انجام دیا۔