کشمیر Live: آرٹیکل 370 ختم اور جموں وکشمیر اور لداخ دو یونین ٹیریٹری بنانے کا اعلان 

by

مودی حکومت نے آج جمہوریت کا قتل کیا

راجیہ سبھا میں حزب اختلاف کے رہنما غلام نبی آزاد نے کشمیر کے تعلق سے حکومت کے فیصلہ کی مزمت کرتے ہوئے کہا کہ یہ فیصلہ حقیقت میں جمہوریت کا قتل ہے۔


جمو کشمیر اور لداخ دو یونئن ٹیریٹری بنانے کا اعلان


آرٹیکل 370 کو ہٹانے کی صدر جمہوریہ کی منظوری

وزیر داخلہ امت شاہ نے راجیہ سبھا میں جہاں یہ اعلان کیا کہ آڑٹیکل 370 ختم کر دیا گیا ہے وہیں یہ بھی اعلان کیا کہ لداخ کو جمو و کشمیر سے الگ کر دیا گیا ہے اور دونوں کو یونئن ٹریٹری بنا دیا گیا ہے جبکہ لداخ میں کوئی اسمبلی نہیں ہوگی اس کے برعکس جمو و کشمیر میں اسمبلی ہوگی لیکن لیفٹیننٹ گورنر وہاں کے اصل حکمراں ہوں گے۔

راجیہ سبھا میں وزیر داخلہ کا بڑا اعلان، آرٹیکل 370 جموں و کشمیر سے ہٹانے کی سفارش

راجیہ سبھا میں وزیر داخلہ امت شاہ نے بڑا اعلان کیا ہے، انہوں نے آرٹیکل 370 جموں و کشمیر سے ہٹانے کی سفارش کر دی ہے، ایوان میں زوردار ہنگامہ ہو رہا ہے۔



کابینہ میٹنگ میں جموں و کشمیر پر بات چیت، شاہ دیں گے پارلیمنٹ میں بیان

نئی دہلی: مرکزی کابینہ کی پیر کی صبح ہونے والی میٹنگ میں جموں و کشمیر کے سلسلہ میں بات چیت کی گئی۔ سمجھا جاتا ہے کہ میٹنگ میں وہاں کے بارے میں کچھ اہم فیصلے لئے گئے ہیں۔ وزیر اعظم نریندر مودی کی صدارت میں وزیر اعظم کی رہائش گاہ پر منعقد ہونے والی میٹنگ کے بارے میں سرکاری طور پر کوئی معلومات نہیں مل پائی ہے۔ بتایا گیا ہے کہ پارلیمنٹ سیشن کی وجہ سے وزیر داخلہ امت شاہ پہلے پارلیمنٹ میں اس سلسلہ میں بیان دیں گے۔ وہ پہلے راجیہ سبھا میں اور پھر لوک سبھا میں اپنی طرف سے بیان دیں گے۔

کشمیر معاملے پر راجیہ سبھا میں 11 بجے، لوک سبھا میں 12 بجے بیان دیں گے وزیر داخلہ

وزیر داخلہ امت شاہ راجيہ سبھا میں 11 بجے اور لوک سبھا میں 12 بجے کشمیر میں چل رہی ہل چل پر جواب دیں گے، خبروں کے مطابق کشمیر مدے پر پارلیمنٹ کو تازہ حالات کے بارے میں معلومات دیں گے، اس دوران پی ایم مودی کے گھر چل رہی مرکزی کابینہ کا اجلاس ختم ہوگیا ہے۔

کابینہ کا اجلاس ختم، امت شاہ پہنچے پارلیمنٹ


جموں و کشمیر: لیہہ میں آج عام طور پر کھلے اسکول


کشمیر مدے پر کانگریس کا لوک سبھا میں تحریک التوا کا نوٹس

کانگریس کے کئی سینئر رہنماؤں نے کشمیر کے مدے پر لوک سبھا میں تحریک التوا کا نوٹس دیا ہے ۔ ان کا کہنا ہے کہ یہ مدا انتہائی سنگین ہے اس لئے ایوان میں سب کارروائی کو ملتوی کر کے اس پر بحث ہونی چاہئے ۔


کانگریس ارکان نے راجیہ سبھا میں بھی تحریک التوا کا نوٹس دیا


کابینہ کا اجلاس تھوڑی دیر میں، اجلاس سے پہلے مودی کے گھر پہنچے شاہ

مرکزی کابینہ میں شرکت کے لئے وزیر داخلہ امت شاہ وزیر اعظم نریندر مودی کے گھر پہنچ گئے ہیں ۔ وزیر اعظم کے گھر پر قومی سلامتی کے مشیر اجیت ڈووال پہلے سے ہی موجود ہیں ۔ کابینہ کے اجلاس سے قبل امت شاہ، وزیر قانون روی شنکر پرساد اور سیکریٹری داخلہ راجیو گابا اور داخلہ کے کئی اہم افسران کا ایک اجلاس ہوا۔ کابینہ کا اجلاس اب سے تھوڑی دیر میں ہونے ولا ہے ۔


رہنماؤں کی نظر بندی تمام جمہوری تقاضوں کے منافی: چدامبرم

ملک کے کئی بڑے سیاسی رہنماؤں نے کشمیر کے حالات پر تشویش کا اظہار کیا ہے ۔ کانگریس کے سینئر رہنما اور سابق وزیر داخلہ پی چدامبرم نے ٹویٹ کر کے کہا ہے ’’رہنماؤں کی نظر بندی تمام جمہوری تقاضوں کے منافی ہے‘‘۔




ادھر ششی تہرور اور سیتا رام یچوری نے عمر عبد اللہ کے ساتھ یکجہتی کا اظہار کیا ہے ۔




کشمیر میں حالات تشویش ناک، کئی بڑے کشمیری رہنما نظر بند، انٹرنیٹ بند

جمو و کشمیر کے تعلق سے ملنے والی خبروں کے بعد صوتحال تناو سے بھری ہوئی نظر آ رہی ہے۔ کچھ ویبسائٹس پر یہ خبر چل رہی ہے کہ کشمیر کے بڑے سیاسی رہنما جن میں سابق وزراء اعلی عمر عبد اللہ اور محبوبہ مفتی شامل ہیں ان کو نظر بند کر دیا گیا ہے ۔ عمر عبداللہ کے ٹویٹ سے بھی یہی ظاہر ہو رہا ہے ۔




عوام میں اب یہ تشویش ہے کہ جمو کشمیر میں اچانک حالات ایسے کیوں ہو رہے ہیں ۔ ادھر خبر ہے کہ ریاست میں انٹرنیٹ خدمات بند کر دی گئی ہیں اور اسکول و کالج جانے پر بھی روک لگا دی گئی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading