ناندیڑ:23اکتوبر ( ورقِ تازہ نیوز) ریاست میں غریبوں اور ضرورت مندوں کے گھروں میں دیوالی منانے کے مقصد کے ساتھ، مہاراشٹر حکومت نے خصوصی اسکیم "آنندچا شیدھا” کو ریاست کے کونے کونے تک پھیلانے میں کامیابی حاصل کی ہے۔ حکومت نے سستے اناج کی دکانوں سے اناج خریدنے والوں کو صرف ایک سو روپے میں 1 کلو چینی، 1 کلوروا، 1 کلو چنے کی دال اور 1 لیٹر پام آئل پر مشتمل کٹ فراہم کی ہے۔ یہ کٹ بہت کم وقت میں کامیابی کے ساتھ عوام تک پہنچائی جا رہی ہے۔
ایم پی پرتاپ راو¿ پاٹل چکھلیکر نے زور دے کر کہا کہ یہ مہاراشٹر حکومت کی طرف سے غریبوں کے گھروں میں بھی دیوالی کا ایک میٹھا تحفہ ہے۔ناندیڑ کے آنند نگر علاقے میں راشن کی دکان نمبر89 میں منعقدہ پروگرام سے وہ خطاب کر رہے تھے۔ اس موقع پر ایم ایل اے بالاجی کلیانکر، کلکٹر ابھیجیت راوت، ضلع سپلائی آفیسر لطیف پٹھان، تحصیلدار کرن امبیکر، بی جے پی ضلع صدر پروین سیل اور عہدیدار موجود تھے۔
کورونا جیسے مشکل وقت میں بھی مرکزی حکومت نے اس بات کا خیال رکھا ہے کہ اناج غریبوں کے گھروں تک پہنچے۔ چکھلیکر نے کہا کہ تمام ممبران پارلیمنٹ کے فنڈز عوامی بہبود اور خاص طور پر صحت عامہ کی سہولیات پر خرچ کیے گئے۔ہمارے ضلع کا دائرہ بہت بڑا ہے۔ اس توسیع میں انتظامیہ چوبیس گھنٹے کوشش کر رہی ہے کہ خوشی کا یہ راشن وقت پر دیہاتوں تک پہنچایا جائے۔ دیوالی کا یہ میٹھا تحفہ ہر تعلقہ کے کونے کونے میں ہمارے تمام بھائیوں کے گھر پہنچایا جا رہا ہے۔ ایم ایل اے بالاجی کلیانکر نے سبھی کو دیوالی کی مبارکباد دیتے ہوئے کہا کہ اگر ٹریفک کے مسائل کی وجہ سے کوئی رکاوٹ ہے تو انتظامیہ کو فوری طور پر متبادل انتظام فراہم کرنے کا خیال رکھنا چاہئے۔
حکومت نے فیصلہ لیا کہ خوشی کا ر اشن عوامی بہبود کے نقطہ نظر سے بہت ضروری ہے۔ آن لائن رجسٹریشن میں رکاوٹ کو دیکھتے ہوئے حکومت نے اسے دور کر دیا ہے اور اس میں کوئی شک نہیں کہ خوشی کا راشن کی تقسیم اب جنگی بنیادوں پر مکمل ہو جائے گی۔ کلکٹر ابھیجیت راوت نے بتایا کہ کئی تعلقہ کے لیے چاروں اشیاء موصول ہو چکی ہیں اور کچھ تعلقہ کے لیے ایک باقی ماندہ اشیاءفوری طور پر پہنچائی جا رہی ہے۔ ضلع میں تقریباً 2 ہزار راشن شاپس کے ذریعے 5 لاکھ 97 ہزار 812 راشن کارڈ ہولڈروں میں یہ کٹ تقسیم کی جارہی ہے