ناندیڑ:24 اپریل: (ورق تازہ نیوز)لاک ڈاون سے پہلے پنجاب سے بہت سارے عقیدت مند جو شری سچکھنڈ حضور صاحب گرودوارہ میں خراج عقیدت پیش کرنے ناندیڑ آئے تھے اور جب سے ناندیڑ میں پھنسے ہوئے تھے۔
وہ ناندیڑ سے اپنی آبائی ریاست پنجاب روانگی کی اجازت مانگ رہے تھے۔ مہاراشٹرا کے وزیر اعلی اودھو ٹھاکرے ، وزیر اعلی پنجاب کیپٹن امندر سنگھ اور ناندیڑ کے سرپرست وزیر اشوک راو چوہان نے ان کو وہاں سے جانے کی اجازت کے لئے انتھک محنت کی۔ اس کے بعد ، 10 ٹراویلس سے 500 سکھ عقیدت مندوں کا ایک جتھا 23 اپریل کو پنجاب روانہ ہوا۔
یہ تمام زائرین ناندیڑ میں پھنسے ہوئے تھے۔ ان کی رہائش اور کھانے کا انتظام شری سچکھنڈ گوردوارہ نے کیا تھا۔ لیکن لاک ڈاون میں توسیع نے سکھ عقیدت مندوں میں بے چینی پیدا کردی تھی۔
بار بار مطالبہ کیا گیا کہ انہیں اپنے آبائی شہر جانے کی اجازت دی جائے۔ ان کے مطالبے کا نوٹس لیتے ہوئے ، سرپرست وزیر اشوک راو چوان نے کابینہ کی اقتصادی مشاورتی ذیلی کمیٹی کی میٹنگ میں سکھ عقیدت مندوں کے معاملے پر زور دیا تھا۔ اس کے علاوہ انہوں نے وزیر اعلی ادھو ٹھاکرے سے بھکتوں کو پنجاب بھیجنے کی درخواست کی تھی۔اس کے بعد ، وزیر اعلی ادھو ٹھاکرے نے وزیر اعلی پنجاب کے امریندر سنگھ سے رابطہ کیا اور پھنسے ہوئے عقیدت مندوں کو پنجاب بھیجنے کی اجازت طلب کی۔
اس کی اجازت سے ، ہنگولی میں کھرانہ ٹراویلس کے مالک جگدیش کھورانا نے تمام زائرین کو نہ نفع نہ نقصان کی بنیاد پر پنجاب لے جانے کی تیاری کا اظہار کیا۔
اسی مناسبت سے ، 23 اپریل کو شام 8 بجے ، گرودوارے کے چیف جتیدار بابا کلونت سنگھ جی نے عقیدت مندوں کے لئے دعا کی اور اس کے بعد دستہ پنجاب کیلئے روانہ ہوگیا۔ قافلہ کے جانے کے بعد ، وزیر اعلی پنجاب کیپٹن امیندرسنگھ نے سرپرست وزیر اشوک راو چوان کو فون کیا اور ان کا شکریہ ادا کیا اور ناندیڑ میں پھنسے ہوئے عقیدت مندوں کو وطن واپس لانے میں مدد کرنے کو کہا۔
اس موقع پر ، بابا کلونت سنگھ جی ، ایم ایل سی امرناتھ راجورکر ، ایم ایل اے موہن راو ہمبرڈے‘ گرودوارہ بورڈ کے سکریٹری رویندر سنگھ بونگئی ، گرمیت سنگھ مہاجن ، بھگندر سنگھ گھڑی ساز ، نوچندراسیوداور ، گلاب سنگھ موجود تھے۔ تمام عقیدت مندوں نے وزیر اعلی ادھوو ٹھاکرے ، کپٹن امریندر سنگھ سنگھ اور سرپرست وزیر اشوک راو¿ چوہان کا شکریہ ادا کیا۔