مہاراشٹر کے وزیر نے اداکارہ تیونشا شرما کی موت کو مبینہ "لو جہاد” قرار دیدیا

by

‘علی بابا: داستانِ کابل’ کی مرکزی اداکارہ تونیشا شرما کی خودکشی کے معاملے نے سیاسی گلیاروں میں بھی ہلچل مچا دی ہے۔ مہاراشٹر کے بی جے پی لیڈر رام کدم کے بعد اب ریاستی وزیر گریش مہاجن کا بھی اس معاملے پر بیان آیا ہے۔ مہاجن نے اسے لو جہاد کا کیس قرار دیا ہے۔

ٹی وی اداکارہ تیونشا شرما کی موت پر مہاراشٹر کے وزیر گریش مہاجن کا بڑا بیان سامنے آیا ہے۔ مہاجن نے تیونشا کی موت کو مبینہ لو جہاد کا معاملہ قرار دیا ہے۔ گریش مہاجن نے اتوار کو مہاراشٹر کے ناسک میں کہا کہ پولیس معاملے کی جانچ کر رہی ہے۔ ایسے کیسز روز بروز بڑھ رہے ہیں۔ ہم اس کے خلاف سخت قانون لانے پر غور کر رہے ہیں۔

آپ کو بتا دیں کہ اس سے قبل تیونشا خودکشی کیس پر مہاراشٹر کے بی جے پی لیڈر رام کدم کا بیان بھی آیا تھا۔ انہوں نے اتوار کو ہی کہا تھا کہ تیونشا شرما کے خاندان کو انصاف ملے گا اور اگر یہ لو جہاد کا معاملہ ہے تو اس کی تحقیقات کرائی جائے گی اور پتہ چلایا جائے گا کہ اس کے پیچھے کون سی تنظیمیں اور سازش کار ہیں۔

تیونشا سے کوئی خودکشی نوٹ نہیں ملا۔ لیکن پولیس خودکشی کے علاوہ قتل کے زاویے سے بھی معاملے کی جانچ کر رہی ہے۔ پولیس سیریل کے ساتھی اداکاروں کے ساتھ ساتھ دیگر عملے سے بھی پوچھ گچھ کر رہی ہے۔ بتادیں کہ تیونشا ممبئی میں اپنی ماں کے ساتھ رہتی تھیں۔

دم گھٹنے سے اداکارہ کی موت ہوئی۔

دیر رات تیونشا کی لاش کو پوسٹ مارٹم کے لیے ممبئی کے جے جے اسپتال لے جایا گیا۔ تیونشا کی پوسٹ مارٹم رپورٹ آ گئی ہے۔ تیونشا کے پوسٹ مارٹم کے دوران 4-5 ڈاکٹر موجود تھے۔ پوسٹ مارٹم رپورٹ کے مطابق تیونشا کی موت دم گھٹنے سے ہوئی۔ تیونشا کی موت پھانسی کے بعد دم گھٹنے سے ہوئی۔ اداکارہ کے جسم پر زخم کا کوئی نشان نہیں ملا۔

Discover more from ورق تازہ

Subscribe now to keep reading and get access to the full archive.

Continue reading