ممبئی: 30/ ستمبر ۔ ریاستی حکومت نے پیر (30 ستمبر) کو گائے کو ریاست کی ماں قرار دیا۔ ریاستی حکومت نے اس فیصلے کے لیے سرکاری حکم بھی جاری کر دیا ہے۔ ریاستی حکومت نے کہا ہے کہ ویدک زمانے سے ہندوستانی ثقافت میں گائے کو اہم مقام حاصل ہے۔ مہاراشٹرا دوسری ریاست بن گئی ہے جس نے گائے کو اپنی ریاستی ماں قرار دیا ہے۔
اتراکھنڈ ہندوستان کی پہلی ریاست ہے جس نے گائے کو اپنی ریاستی ماں قرار دیا ہے۔ اتراکھنڈ قانون ساز اسمبلی نے 19 ستمبر 2018 کو اس سلسلے میں ایک قرارداد منظور کی تھی، جس میں گائے کو ریاست کی ماں کا درجہ دینے کا مطالبہ کیا گیا تھا۔
اس قرارداد کو متفقہ طور پر منظور کر کے مرکزی حکومت کو بھیج دیا گیا۔ اسی طرح مہاراشٹر حکومت نے بھی گائے کو ریاست کی ماں قرار دیا ہے۔