120 سیٹوں کا رجحان آیا سامنے، کانگریس اتحاد 42 اور بی جے پی اتحاد 72 سیٹوں پر آگے
مہاراشٹر کی 120 اسمبلی سیٹوں کا رجحان برآمد ہو چکا ہے اور کانگریس اتحاد کی جو حالت ایگزٹ پول میں دکھائی جا رہی تھی اس سے کافی بہتر پوزیشن میں ہے۔ کانگریس اتحاد 42 سیٹوں پر آگے ہے جب کہ بی جے پی اتحاد 72 سیٹوں پر آگے ہے۔ دیگر پارٹیوں کے امیدوار 6 سیٹوں پر سبقت بنائے ہوئے ہیں۔
#MaharashtraAssemblyPolls: Counting of votes is underway at Colaba counting centre in Mumbai; As per official trends from Election Commission, Congress leading on 1 seat and NCP leading on 2 seats in the state pic.twitter.com/Q1FswXZOCW
— ANI (@ANI) October 24, 2019
رجحانات میں بی جے پی اتحاد نے 51 سیٹوں پر بنائی سبقت
بی جے پی اتحاد نے شروعاتی رجحانات میں 51 سیٹوں پر سبقت بنا لی ہے جب کہ کانگریس اتحاد کو 29 سیٹوں پر سبقت مل رہی ہے۔ رجحانات کے مطابق تیزی کے ساتھ بی جے پی اتحاد اکثریت کی طرف بڑھتی ہوئی نظر آ رہی ہے۔
تازہ رجحان میں کانگریس 5 اور بی جے پی 13 سیٹوں پر آگے
مہاراشٹر سے موصول ہو رہے تازہ رجحانات میں کانگریس امیدوار 5 سیٹوں پر سبقت بنا چکے ہیں جب کہ بی جے پی امیدوار 13 سیٹوں پر سبقت بنا چکے ہیں۔ اس کے علاوہ این سی پی امیدوار 1 سیٹ پر اور شیو سینا امیدوار 6 سیٹوں پر سبقت بنائے ہوئے ہیں۔ یہ سبھی رجحانات شروعاتی ہیں اور قابل غور ہے کہ فی الحال بیلٹ پیپر کی گنتی شروع ہوئی ہے اور ای وی ایم سے کئی جگہ گنتی شروع نہیں ہوئی ہے۔
ووٹوں کی گنتی شروع، کچھ ہی دیر میں آنے لگیں گے رجحانات
مہاراشٹر میں ووٹوں کی گنتی صبح ٹھیک 8 بجے شروع ہو گئی ہے اور کچھ ہی دیر میں رجحانات آنے شروع ہو جائیں گے۔ مہاراشٹر میں بی جے پی دفتر میں ابھی سے جشن کا ماحول ہے کیونکہ کئی ایگزٹ پول نے انھیں بہ آسانی فتحیاب ہوتے دکھایا ہے۔ بی جے پی کارکنان مہاراشٹر بی جے پی دفتر میں لڈو بھی تیار رکھے ہوئے ہیں۔
Counting of votes begins for Maharashtra & Haryana Assembly elections. pic.twitter.com/VMLrW1cE2q
— ANI (@ANI) October 24, 2019
کل 288 نشستوں پر ووٹ شماری صبح 8 بجے سے شروع ہوگی
مہاراشٹر اسمبلی انتخابات کے نتائج کے اعلان کا وقت آن پہنچا ہے اور آج یہ واضح ہوجائے گا کہ مہاراشٹر میں حکومت کون بنائے گا۔ صبح 8 بجے سے ریاست کی 288 نشستوں پر ووٹوں کی گنتی شروع ہو رہی ہے۔
ریاست میں ووٹ شماری کی ڈیوٹی کے لئے تقریباً 25 ہزار اہلکار تعینات کردیئے گئے ہیں۔ یہاں 269 مقامات پر 288 حلقوں کے لئے گنتی کی جائے گی۔ واضح رہے کہ ریاست میں 21 اکتوبر کو 61.13 فیصد ووٹنگ کے ساتھ پولنگ کا عمل اختتام پزیر ہوا تھا۔ کولہاپور کی کرویر سیٹ پر سب سے زیادہ 83.93 فیصد ووٹنگ ہوئی جبکہ جنوبی ممبئی کے کولابا علاقہ میں سب سے کم 40.11 فیصد ووٹنگ درج کی گئی۔
مہاراشٹر میں سنہ 2014 کے اسمبلی انتخابات میں بی جے پی نے 122 نشستوں پر کامیابی حاصل کی تھی اور شیوسینا کو 63 نشستوں پر پر کامیابی حاصل ہوئی تھی۔ وہیں، کانگریس نے 42 نشستوں پر جبکہ این سی پی کے کھاتے میں 41 نششتوں پر جیت درج کی تھی۔ دیگران کے کھاتہ میں 20 نششتیں گئی تھیں۔ نتائج آنے بعد بی جے پی اور شیوسینا نے اتحادیوں کے ساتھ مل کر ریاست میں حکومت بنائی تھی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-