نئی دہلی: ملک کی معروف نیوز ایجنسی اور دنیا کی پہلی اردو نیوز ایجنسی یونائٹیڈ نیوز آف انڈیا اردود سروس (یو این آئی اردو سروس) کے سینئر صحافی اور کالم نگار عابد انور کو ان کی صحافتی اور سماجی خدمات کے اعتراف میں آل انڈیا تنظیم علماء حق نے ’آفتاب صحافت‘ ایوارڈ سے نوازا ہے۔ یہ ایوارڈ کل انہیں تنظیم کی جانب سے منعقدہ’کل ہند تعلیمی کنونشن‘ میں سرکردہ شخصیات کے ہاتھوں دیا گیا۔عابد انور کو 2016میں بہار اردو اکیڈمی (حکومت بہار)نے صحافت میں نمایاں خدمات کے لئے ’غلام سرور‘ ایوارڈ پیش کیا تھا۔