مہاراشٹر کے سانگلی میں ایک ہی خاندان کے 9 افراد کی لاشیں برآمد ہونے سے سنسنی پھیل گئی ہے۔ پولیس معاملہ کی جانچ کرنے میں مصروف ہو گئی ہے۔رپورٹ کے مطابق خاندان معاشی قلت سے دو چار تھا اور سبھی افراد نے اجتماعی طور پر زہر پیکر اپنی جان دے دی۔
سانگلی ضلع کے میراج تعلقہ کے مہیسال کے امبیکا نگر میں ایک ہی خاندان کے 9 افراد کی لاشیں ملنے سے پورے علاقے میں کہرام مچ گیا ہے۔ یہ کیسے ہوا؟ مقامی پولیس نے معاملے کی تحقیقات شروع کر دی ہے۔ لاشوں کا پوسٹ مارٹم کیا جا رہا ہے۔ اس بات کی تحقیقات کی جا رہی ہیں کہ یہ اجتماعی خودکشی ہے یا کوئی اور وجہ ہے۔
#Breaking | 9 in a family die allegedly by suicide in #Maharashtra‘s #Sangli. @Shivani703 joins @poonam_burde with details. pic.twitter.com/itQKWQDHDg
— TIMES NOW (@TimesNow) June 20, 2022
تاہم ابتدائی معلومات کے مطابق سانگلی کے علاقے میراج میں رہنے والے دو بھائیوں کے خاندان نے اجتماعی خودکشی کر لی ہے۔ تمام نو کی لاشیں میراج تعلقہ کے مہیسال کے امبیکا نگر علاقے میں ایک گھر سے ملی ہیں۔ یہ دو بھائیوں مانک وانمور اور پوپٹ وانمور کے پورے خاندان کی لاشیں ہیں۔ سانگلی پولیس موقع پر موجود ہے۔ اب تک کی تحقیقات میں کسی کے جسم پر زخم کے نشانات نہیں ملے ہیں۔ ابتدائی معلومات کے مطابق دونوں بھائیوں کے اہل خانہ نے اجتماعی خودکشی کی ہوگی۔
جائے وقوعہ سے کوئی خودکشی نوٹ نہیں ملا۔ اس دلخراش واقعہ کی اطلاع ملتے ہی ضلع کے ایس پی اور آئی جی بھی موقع پر پہنچ گئے۔ مقامی پولیس نے فرانزک ٹیم کو بھی موقع پر بلایا ہے۔ تمام لاشیں پولیس کی تحویل میں لے لی گئی ہیں۔ اس کے علاوہ آس پاس کے لوگوں سے بھی پوچھ گچھ کی جا رہی ہے۔
قرض سے تنگ آکر خودکشی کرنے کا شبہ
قیاس کیا جا رہا ہے کہ دونوں بھائیوں کے اہل خانہ نے قرض کی وجہ سے خودکشی کی ہو گی کیونکہ فی الحال تمام لاشوں کے ساتھ کوئی سوسائڈ نوٹ نہیں ملا ہے۔ ایک کمرے سے تین اور دوسرے سے چھ لاشیں ملی ہیں۔
خودکشی کرنے والوں کے نام
پوپٹ یالاپا وانمور (52)
سنگیتا پوپٹ وینمور (48)
ارچنا پوپٹ وانمور (30)
شبھم پوپٹ وانمور (28)
مانک یالاپا وانمور (49)
ریکھا مانک وانمور (45)
انیتا مانک وانمور (28)
آدتیہ مانک وانمور (15)
اکتائی وانمور (72)