نئی دہلی: کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی نے یس بینک کی مالی حالت خراب ہونے پر وزیر اعظم نریندر مودی کو ہدف تنقید بناتے ہوئے جمعہ کو کہا کہ انہوں نے ملک کی معیشت کو چوپٹ کر دیا ہے۔ راہل گاندھی نے ٹویٹ کیا اور کہا، ’نو، یس بینک، مودی اور ان کے آئیڈیا نے ہندوستان کی معیشت کو تباہ کر دیا ہے۔‘‘
No Yes Bank.
Modi and his ideas have destroyed India’s economy.
— Rahul Gandhi (@RahulGandhi) March 6, 2020
ادھر پرینکا گاندھی نے بھی وزیر اعظم مودی پر حملہ کیا اور سوالیہ انداز میں کہا، ’’ہندوستانی معیشت کو بی جے پی حکومت کی پالیسیوں نے برباد کیا ہے۔ جی ہاں! کیا معیشت کی اس ابتر حالت میں ہندوستانی معیشت پانچ ٹریلین ڈالر کے ہدف کو چھو پائے گی؟ نہیں۔‘‘
भारतीय अर्थव्यवस्था को भाजपा सरकार की नीतियों ने बर्बाद किया है- Yes
क्या अर्थव्यवस्था की इस लचर हालत में भारतीय अर्थव्यवस्था पांच ट्रिलियन के लक्ष्य को छू पाएगी – No
भाजपा सरकार की देन
बर्बादी को Yes, प्रगति को No#NoBank— Priyanka Gandhi Vadra (@priyankagandhi) March 6, 2020
کانگریس رہنماؤں کا یہ بیان یس بینک کی خستہ مالی حالت کے سلسلے میں آیا ہے جس کے پیش نظر ریزرو بینک نے 50 ہزار سے زائد نکالنے پر تین اپریل تک پابندی لگا دی ہے۔ سابق وزیر خزانہ پی چدمبرم نے بھی حکومت پر حملہ کیا اور کہا کہ بی جے پی حکومت کی انتظامی اور مالیاتی اداروں کو سنبھالنے کی صلاحیتوں کی قلعی کھل گئی ۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو