شملہ: ہماچل کانگریس نے ریاستی حکومت کے ذریعہ پٹرول اور ڈیزل پر ویٹ بڑھانے کے فیصلے کی تنقید کرتے ہوئے کہا ہے کہ وزیر اعلی جے رام ٹھاکر نے ریاست کے لوگوں کو دیوالی پر مہنگائی کا تحفہ دے دیا ہے۔
کانگریس کا کہنا ہے کہ ضمنی انتخابات سے پہلے وزیر اعلی جے رام نے پہلے ہی کہہ دیا تھا کہ وہ انتخابات کے بعد ریاست کے لوگوں کو ایک بہترین تحفہ دیں گے جو انہوں نے پٹرول اور ڈیزل پر ویٹ کے اضافے کی شکل میں دیا ہے۔
کانگریس صدر کلدیپ سنگھ راٹھور نے ہفتہ کو یہاں کہا کہ ڈیزل اور پٹرول کی قیمتیں بڑھنے سے جہاں ایک طرف مالبھاڑا میں لاگت بڑھے گی وہیں دوسری طرف لوگوں کو اور زیادہ مہنگائی کا سامنا کرنا پڑے گا۔ اتصادی بحران سے لوگ پہلے ہی پریشان ہیں۔
انہوں نے کہا ہے کہ ملک کن حالات سے گزر رہا ہے بی جے پی کو اس کی کوئی فکر نہیں ہے۔ بڑے پیمانے پر صنعتوں میں مزدوروں کو نکالا جا رہا ہے۔ ملک کی ترقی کی شرح میں کافی کمی آ رہی ہے۔ ملک کی معیشت چوپٹ ہو کر رہ گئی ہے۔ انہوں نے ریاستی حکومت سے مطالبہ کیا ہے کہ عوامی مفاد میں پٹرول اور ڈیزل پر بڑھائے گئے ویٹ کے فیصلے کو واپس لیا جانا چاہیے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-