اہم خبر: چھتیس گڑھ کی دنتے واڑا اسمبلی سیٹ پر کانگریس امیدوار 6000 ووٹوں سے آگے

دنتے واڑا اسمبلی سیٹ پر کانگریس امیدوار دیوتی کرما تقریباً 6 ہزار ووٹوں سے آگے

چھتیس گڑھ کی دنتے واڑا اسمبلی سیٹ پر کانگریس امیدوار دیوتی کرما نے بی جے پی امیدوار اوجسوی مانڈی پر تقریباً 6 ہزار سے زیادہ ووٹوں کی سبقت بنا لی ہے۔ اس سیٹ پر کانگریس بہ آسانی کامیاب ہوتی ہوئی نظر آ رہی ہے، لیکن اتر پردیش کے حمیر پور میں بی جے پی امیدوار آگے ہے۔ دنتے واڑا سیٹ پر اب تک ہوئی ووٹ شماری کے مطابق دیوتی کرما کو 18505 ووٹ ملے ہیں جب کہ دوسرے نمبر پر اوجسوی مانڈوی کو 12397 ووٹ ملے ہیں۔

4 اسمبلی حلقوں میں ہوئے ضمنی انتخاب کا رجحان آیا سامنے

اتر پردیش کی ہمیر پور، چھتیس گڑھ کی دنتے واڑا، کیرالہ کی پالا اور تریپورہ کی بادھر گھاٹ اسمبلی سیٹوں پر ہوئے ضمنی انتخاب کی ووٹ شماری شروع ہو چکی ہے۔ اتر پردیش کے حمیر پور سے بی جے پی امیدوار جب کہ چھتیس گڑھ کے دنتے واڑا سے کانگریس امیدوار شروعاتی رجحانوں میں آگے ہیں۔ تریپورہ کی بادھر گھاٹ سیٹ سے بھی بی جے پی امیدوار جب کہ کیرالہ کی پالہ سیٹ سے بایاں محاذ پارٹی کا امیدوار آگے ہے۔

مہاراشٹر: ممبئی میں ای ڈی دفتر علاقہ میں دفعہ 144 نافذ، کل ہوگی شرد پوار کی پیشی

ممبئی کے بلاڈ اسٹیٹ میں دفعہ 144 نافذ کر دی گئی ہے۔ اسی علاقے میں انفورسمنٹ ڈائریکٹوریٹ کا دفتر ہے، جہاں کل این سی پی سربراہ شرد پوار پیشی کے لیے پہنچیں گے۔ اپنے خلاف ای ڈی (انفورسمنٹ ڈائریکٹوریٹ) کے ذریعہ کیس درج کیے جانے پر شرد پوار نے کہا تھا کہ وہ جمعہ کو ایجنسی کے سامنے پیش ہوں گے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-