پرینکا نے علی گڑھ میں بچی کے قتل کو شرمناک قرار دیا
نئی دہلی: کانگریس کی جنرل سکریٹری پرینکا گاندھی وڈرا نے اترپردیش کے علی گڑھ میں روپے کے لین دین کے تنازعہ میں ڈھائی سال کی بچی کے قتل کو غیر انسانی اور صدمہ سے دوچار کردینے والا جرم قرار دیا ہے۔
پرینکا گاندھی نے ٹوئٹ کیا کہ ’’بے قصور بچی کے ساتھ علی گڑھ میں انسانیت سے گری ہوئی، صدمہ دینے والی اور دل کو چوٹ پہنچانے والی قتل کا ایک واقعہ پیش آیا ہے۔ بچی کی ماں باپ کو اس ظلم سے جو تکلیف پہنچی اس کا وہ تصور بھی نہیں کرسکتیں۔ آخر ہمیں کیا ہوگیا ہے۔‘‘
واضح رہے کہ علی گڑھ کے ٹپل قصبے میں روپے کے لین دین کے تنازعہ میں ڈھائی سال کی بچی کو بے رحمی سے قتل کرنے کا معاملہ سامنے آیا ہے۔ بچی کی کٹی پھٹی لاش کوڑے کے ڈھیر میں پائی گئی تھی۔
अलीगढ़ की मासूम बच्ची के साथ हुई अमानवीय और जघन्य घटना ने हिलाकर रख दिया है। हम ये कैसा समाज बना रहे हैं? बच्ची के माता-पिता पर क्या गुजर रही है ये सोचकर दिल दहल जाता है।अपराधियों को कड़ी से कड़ी सजा मिलनी चाहिए। https://t.co/2DUSCOm5qe
— Priyanka Gandhi Vadra (@priyankagandhi) June 7, 2019
کرائسٹ چرچ فائرنگ کے ملزم کی تصویر دکھانے پر عائد پابندی ختم
ویلنگٹن: نیوزی لینڈ کے ہائی کورٹ نے کرائسٹ چرچ کی مساجد میں فائرنگ کرنے والے ملزم کا چہرہ دکھانے کے متعلق میڈیا پر عائد پابندی ہٹا لی ہے۔
اس معاملے کی سماعت کے بعد جج كیمرون منڈیر نے کہا ’’اس واقعہ کے ملزم کے چہرہ کو دکھانے پر عائد پابندی ہٹا لی گئی ہے۔ کراؤن نے مشورہ دیا ہے کہ ملزم کے چہرے کو چھپانے کی ضرورت نہیں ہے۔ لہذا اس سلسلے میں جاری حکم اب کالعدم ہو گیا ہے۔‘‘
میڈیا کو اب 16 مارچ کو ضلع عدالت کے سامنے حاضری کے وقت ملزم کی لی گئی تصاویر کو استعمال کرنے کی اجازت ہے۔ واضح ر ہے کہ 15 مارچ کو ہوئے اس واقعہ میں 51 افراد ہلاک ہو گئے تھے اور کئی افراد زخمی ہوئے ہیں۔ برنٹن ہیریسن ٹارنٹ نامی ملزم نے اس واردات کو انجام دیا تھا۔
دبئی میں بس حادثہ کا شکار، 17 افراد جاں بحق
دبئی میں ایک مسافر بس کے حادثے کا شکار ہونے کی وجہ سے کم از کم 17 افراد کی موت ہو گئی۔ مقامی پولس نے ٹوئٹر پر یہ اطلاع دی۔ پولس نے بتایا کہ عمان کے دارالحکومت مسقط سے دبئی آ رہی عمان کی نیشنل ٹرانسپورٹ کمپنی کی ایک بس جمعرات کو شیخ محمد بن زاید شاہراہ پر سڑک کے کنارے بنے ڈیوائیڈر سے ٹکرا گئی، جس کی وجہ سے کم از کم 17 افراد کی موت ہو گئی۔
القائد العام لـ #شرطة_دبي اللواء عبدالله خليفة المري يصف حادث باص المواصلات الذي راح ضحيته ١٧ راكب بالحادث المفجع المأساوي الذي أدى لوفاة اناس أبرياء.
— Dubai Policeشرطة دبي (@DubaiPoliceHQ) June 6, 2019
پولس کے مطابق حادثے کے وقت بس میں مختلف ممالک کے 31 مسافر سوار تھے اور ان میں سے زیادہ تر مسافر عید الفطر کی تعطیلات مناكر عمان سے واپس لوٹ رہے تھے۔ ریسکیو ذرائع کے مطابق ایک تیز رفتار بس شیخ محمد بن زیاد روڈ پر ایک سائن بورڈ سے ٹکرانے کے بعد حادثے کا شکار ہو گئی، حادثے میں 3 شدید زخمی ہو گئے۔
پولس کا کہنا ہے کہ افسوسناک واقعے کی تحقیقات جا رہی ہیں جبکہ ہلاک ہونے والے افراد کا تعلق مختلف ممالک سے ہے۔ ابتدائی تحقیقات کے مطابق ڈرائیور نے گاڑیوں کی سڑک سے بس میڑو اسٹیشن میں گھسانے کی کوشش کی، جس کی وجہ سے حادثہ پیش آیا۔
– Source بشکریہ قومی آواز بیورو—