راہل گاندھی 7 اور 8 جون کو ویاناڈ کے دورے پر
کانگریس کے صدر راہل گاندھی آئندہ ماہ 7 اور 8 جون کو اپنے نئے پارلیمانی حلقہ وائناڈ میں لوگوں کا شکریہ ادا کرنے کے لئے دورہ کریں گے۔ سوشل میڈیا میں ملیالم زبان میں اپنے ایک پوسٹ میں مسٹر راہل گاندھی نے کہا کہ وہ اپنے نئے پارلیمانی حلقہ کے لوگوں کی محبت اور تعاون پر ان کا شکریہ ادا کرنے کے لئے آئندہ 7 اور 8 جون کو ویاناڈ کا دورہ کریں گے۔ وائناڈ پارلیمانی حلقہ سے اپنی جیت کے بعد مسٹر راہل گاندھی کا یہ پہلا دورہ ہوگا۔ کانگریس صدر راہل گاندھی وائناڈ پارلیمانی حلقہ سے اس بار چار لاکھ ووٹ کے ریکارڈ فرق سے کامیاب ہوئے ہیں، جہاں انہوں نے اپنے نزدیکی حریف کمیونسٹ پارٹی کے پی پی سنیر کو شکست دی ہے۔
پرویز مشرف کی حالت انتہائی نازک، دوبئی کے اسپتال میں زیر علاج
پاکستان کے سابق فوجی سربراہ ریٹائرڈ جنرل پرویز مشرف کی طبیعت جمعرات کو اچانک بہت زیادہ خراب ہو گئی۔ انھیں دوبئی کے اسپتال میں علاج کے لیے داخل کرایا گیا ہے۔ میڈیا رپورٹ کے مطابق 75 سالہ مشرف پر پہلے سے ہی کسی سے بھی ملنے اور بات نہ کرنے کو لے کر روک لگائی جا چکی ہے۔
جموں و کشمیر: کشتواڑ میں فائرنگ، دو پولیس اہلکار زخمی
جموں: جموں کشمیر کے ضلع کشتواڑ کے مڑواہ بلاک میں جمعہ کے روز پولیس اور مشتبہ جنگجوؤں کے درمیان فائرنگ کے تبادلے میں دو پولیس اہلکار زخمی ہوئے۔ ایس ایس پی کشتواڑ شکتی کمار پاٹھک نے میڈیا کو بتایا کہ جنگجوؤں کے چھپنے کی اطلاع ملنے پر جموں کشمیر پولیس نے مڑواہ کے آپن گاؤں کو محاصرہ میں لے کر تلاشی کارروائیاں شروع کیں اس دوران وہاں چھپے جنگجوؤں نے پولیس پارٹی پر فائرنگ کی جس کے نتیجے میں دو پولیس اہلکار زخمی ہوئے۔انہوں نے بتایا سیکورٹی فورسز کی طرف سے سیرچ آپریشن ہنوز جاری ہے۔ ایک عہدیدار نے بتایا کہ فوج کو جائے واقعہ کی طرف روانہ کیا گیا ہے اور بتایا جاتا ہے کہ وہاں دو یا تین جنگجو پھنسے ہوئے ہیں۔
بی ایس پی کے نومنتخب اراکین پارلیمنٹ کی میٹنگ 3 جون کو
بی ایس پی سربراہ مایاوتی نے پارٹی کے نومنتخب اراکین پارلیمنٹ کی میٹنگ 3 جون کو کرنے کا فیصلہ کیا ہے۔ اس میٹنگ میں انھوں نے زون انچارج اور ضلعی صدور کو بھی بلایا ہے۔ میٹنگ دہلی میں منعقد ہوگی اور اس میں آگے کے لائحہ عمل پر غور و خوض کیا جائے گا۔ بتایا جاتا ہے کہ میٹنگ میں پارٹی کے سینئر لیڈران بھی موجود ہوں گے۔
BSP chief Mayawati has called a meeting of newly elected MPs of the party, zone incharge and district presidents on June 3, in Delhi. Other senior members of the party will also be present at the meeting. (file pic) pic.twitter.com/EObOkiOY9G
— ANI (@ANI) May 31, 2019
امت شاہ وزیر داخلہ اور راج ناتھ ہوں گے وزیر دفاع
وزیر اعظم مودی اور وزرا کے کل حلف لئے جانے کے بعد آج ان کے قلمدان بھی تقسیم کر دئے گئے ہیں۔ مودی کی نئی کابینہ میں امت شاہ وزیر داخلہ اور راجناتھ سنگھ وزیر دفاع ہوں گے۔ نرملا سیتا رمن کو اس مرتبہ وزیر خزانہ اور ایس جے شنکر کو وزیر خارجہ کا قلمدان دیا گیا ہے۔
راج ناتھ سنگھ ۔ وزیر دفاع
امت شاہ ۔ وزیر داخلہ
ایس جے شنکر ۔ وزیر خارجہ
رمیش پوکھریال نشنک ۔ وزیر انسانی وسائل
نتن گڈکری ۔ وزیر ٹرانسپورٹ اینڈ ہائی وے
سدانند گوڈا ۔ وزیر کیمیکل اینڈ فرٹیلائزر
نرملا سیتا رمن ۔ وزیر خزانہ
رام ولاس پاسوان ۔ وزیر صارفین امور
نریندر تومر ۔ وزیر زراعت
روی شنکر پرساد ۔ وزیر قانون
Rajnath Singh appointed as the new Defence Minister, Amit Shah new Home Minister, S Jaishankar new External Affairs Minister. pic.twitter.com/6F1T4okJA8
— ANI (@ANI) May 31, 2019
پی ایم مودی کی نئی کابینہ کی پہلی میٹنگ ہوگی آج شام 5.30 بجے
نئی دہلی: وزیراعظم نریندر مودی کی نئی کابینہ کی پہلی میٹنگ آج شام ساڑھے پانچ بلائی گئی ہے۔ سرکاری ذرائع کے مطابق کابینہ کی پہلی میٹنگ ساؤتھ بلاک میں واقع وزیراعظم کے دفتر میں ہوگی۔ واضح رہے کہ وزیراعظم نریندر مودی اور ان کی 57 رکنی کابینہ نے جمعرات کی شام راشٹرپتی بھون کے صحن میں منعقدہ ایک عظیم الشان تقریب میں حلف لیا۔ نئی کابینہ میں 10 کابینی وزیروں کے جگہ نئے چہروں کو شامل کیا گیا ہے۔ بھارتیہ جنتاپارٹی (بی جے پی) صدر امت شاہ اور سابق سکریٹری ایس جے شنکر کو کابینی وزیر بنایا گیا ہے۔ ابھی تک وزیروں کے محکموں کا اعلان نہیں کیا گیا ہے۔ امید ہے کہ شام کو کابینہ کی میٹنگ کے پہلے محکموں کا اعلان ہوجائے گا۔
سی بی آئی رشوت معاملہ: راکیش استھانہ معاملہ کی جانچ کے لیے سی بی آئی کو ملا مزید 4 مہینے کا وقت
دہلی ہائی کورٹ نے راکیش استھانہ اور دیگر کے خلاف رشوت کے الزامات کی جانچ کے لیے سی بی آئی کو 4 مہینے کا مزید وقت دے دیا ہے۔ عدالت نے سی بی آئی کی اس درخواست پر حکم جاری کیا، جس میں ایف آئی آر میں رشوت کے الزامات کی جانچ کے لیے وقت بڑھانے کا مطالبہ کیا گیا ہے۔
Delhi High Court grants 4-month extension to CBI to investigate the charges of bribery against Rakesh Asthana and others. Court has passed the order on the application of CBI seeking extension of time to investigate bribery allegations in the FIR. pic.twitter.com/0uSb8WARHI
— ANI (@ANI) May 31, 2019
بہار: بیگوسرائے میں بی جے پی پنچایت صدر کا قتل، علاقے میں افرا تفری کا ماحول
بہار کے بیگوسرائے میں بی جے پی پنچایت صدر گوپال سنگھ کا بدمعاشوں نے گزشتہ رات قتل کر دیا۔ ذرائع کے مطابق نامعلوم بدمعاشوں نے گوپال سنگھ پر لوہے کی راڈ سے حملہ کیا۔ یہ حملہ سنگھول کے گاؤں امرور کرت پور میں کیا گیا۔ پولس کا اس قتل کے تعلق سے کہنا ہے کہ ’’یہ قتل کا معاملہ ہے جس کی جانچ کی جا رہی ہے۔‘‘
Begusarai: BJP Panchayat President Gopal Singh died late last night after he was allegedly hit with an iron road by unidentified men in Amraur Kiratpur village of Singhoul. Police say,"It's a murder. Investigation will be done." #Bihar pic.twitter.com/fd9gIYTf3j
— ANI (@ANI) May 31, 2019
جموں و کشمیر: شوپیاں میں کئی ملی ٹینٹس کے چھپے ہونے کی خبر، سیکورٹی فورسز کے ساتھ تصادم شروع
جموں و کشمیر کے شوپیاں میں سیکورٹی فورسز اور دہشت گردوں کے درمیان تصادم شروع ہو گیا ہے۔ یہ تصاد شوپیاں کے جیناپورا بیلٹ کے درگڑ علاقہ میں جاری ہے۔ سیکورٹی فورسز کو علاقے میں ملی ٹینٹس کے چھپے ہونے کی خبر ملی تھی۔ اس کے بعد 44 نیشنل رائفل کے ساتھ ایک مشترکہ ٹیم نے تلاشی مہم شروع کی۔ جیسے ہی سیکورٹی فورسز ملی ٹینٹس کے ٹھکانے کے قریب پہنچے، انھوں نے فائرنگ شروع کر دی۔ خبروں کے مطابق علاقے میں 2 سے 3 ملی ٹینٹس چھپے ہوئے ہیں۔
#SpotVisuals Jammu and Kashmir: Exchange of fire between terrorists and Security forces in Dragad Sugan area of Shopian District. (visuals deferred by unspecified time) pic.twitter.com/mCqmg0bLwf
— ANI (@ANI) May 31, 2019
بشکریہ قومی آواز بیورو—