اہم خبر: مہاراشٹر میں بارش کا قہر جاری، اسکول اور کالج کی دیواریں منہدم، کئی ہلاک

مہاراشٹر: کالج اور اسکول کی دیواریں منہدم، 9 افراد ہلاک

مہاراشٹر میں موسلادھار بارش کا سلسلہ جاری ہے اور ممبئی و پونے میں کئی عمارتوں کی دیواریں منہدم ہونے کی خبریں موصول ہو رہی ہیں جن میں درجنوں افراد ہلاک ہو گئے۔ تازہ ترین خبروں کے مطابق گزشتہ شب تقریباً 1.15 بجے پونے واقع امبے گاؤں کے سنگھد کالج کی دیوار منہدم ہو گئی جس میں کم از کم 6 لوگ ہلاک ہو گئے۔ دوسری طرف ممبئی کے کلیان واقع نیشنل اردو اسکول کی دیوار بھی گزشتہ شب تقریباً 12.30 بجے منہدم ہو گئی جس میں کم از کم 3 افراد ہلاک اور ایک کے زخمی ہونے کی خبر ہے۔ کلیان میں زبردست بارش ہونے کی خبریں موصول ہو رہی ہیں۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-