خلیج عمان میں تیل ٹینکروں پر ہوئے حملے کی جانچ کی ضرورت: منصور العتیبی
اقوام متحدہ: اقوام متحدہ کی سلامتی کونسل (یواین ایس سی) کے صدر منصور العتیبی نے خلیج عمان میں دو تیل ٹینکروں پر ہوئے حملے کی تفصیلی جانچ کرانے پر زور دیا ہے۔ سلامتی کونسل نے جمعرات کو امریکہ کی درخواست پر خلیج عمان میں ہوئے اس واقعہ کی جانچ پر زور دیا۔
اقوام متحدہ کی سلامتی کونسل کے اس ماہ کے صدر العتیبی نے پریس کانفرنس میں کہا،’’یہ بین الاقوامی قانون کی خلاف ورزی ہے، یہ مجرمانہ حرکت ہے اور ہم چاہتے ہیں کہ اس کی جانچ ہو، تفصیلی جانچ ہو اور ہم جاننا چاہتے ہیں کہ واقعہ کے پیچھے کس کا ہاتھ ہے‘‘۔
منصور العتیبی اقوام متحدہ میں کویت کے مستقل نمائندہ بھی ہیں۔ انھوں نے کہا کہ سلامتی کونسل کے سبھی رکن ممالک نے حملے کی مذمت کی ہے۔ انھوں نے اس واقعہ کے لیے کسی کو ذمہ دار ماننے کے سوال پر تبصرہ کرنے سے انکار کردیا ہے۔ واضح رہے کہ جمعرات کو خلیج عمان میں ایران کے بحری علاقہ میں دو تیل ٹینکروں پر حملے کیے جانے کی رپورٹیں ملی تھیں۔ اس کے بعد عمان کے سرحدی محافظوں نے تصدیق کی تھی کہ حملے میں صرف ایک ٹینکر کو نقصان پہنچا ہے۔ واقعہ کے اسباب کا پتہ نہیں چل سکا ہے۔
پلوامہ: سلامتی دستوں سے ہوئے تصادم میں دو ملی ٹنٹ ہلاک
سری نگر: جنوبی کشمیر کے ضلع پلوامہ کے اونتی پورہ میں جمعہ کی صبح ہونے والے ایک تصادم میں دو ملی ٹنٹ مارے گئے۔ کشمیر زون پولس نے اپنے آفیشل ٹوئٹر ہینڈل پر ایک ٹوئٹ میں کہا کہ ’اونتی پورہ تصادم میں دو ملی ٹنٹ مارے گئے اور اسلحہ و گولہ بارود برآمد کیا گیا۔ شناخت اور تنظیمی وابستگی معلوم کی جارہی ہے‘۔
سرکاری ذرائع نے بتایا کہ ضلع پلوامہ کے براؤ بانڈینہ اونتی پورہ میں ملی ٹنٹوں کی موجودگی سے متعلق خفیہ اطلاع ملنے پر فورسز نے مذکورہ علاقے میں جمعہ کی علی الصبح کارڈن اینڈ سرچ آپریشن شروع کیا۔ انہوں نے بتایا کہ تلاشی آپریشن کے دوران علاقہ میں موجود ملی ٹنٹوں نے فورسز پر فائرنگ کی۔ فورسز نے جوابی کارروائی کی جس میں دو ملی ٹنٹ مارے گئے۔ انتظامیہ نے ضلع پلوامہ میں احتیاط کے طور پر موبائیل انٹرنیٹ خدمات منقطع کرادی ہیں۔
پلوامہ میں سلامتی دستوں اور ملی ٹنٹوں کے درمیان تصادم
سری نگر: جموں و کشمیر کے ضلع پلوامہ میں جمعہ کو محاصرہ اور تلاشی مہم کے دوران سلامتی دستوں اور ملی ٹنٹوں کے درمیان تصادم شروع ہوگیا ہے۔
پولس کے ایک ترجمان نے بتایا کہ قومی رائفلز (آر آر) سی سی آر پی ایف کے جوانوں اور جموں و کشمیر پولس کے خصوصی مہم دستے نے ملی ٹنٹوں کی موجودگی کی خفیہ جانکاری ملنے کے بعد پلوامہ کے اونتی پورہ کے برادبڑنا گاؤں میں مشترکہ طور پر گھیرا بندی کرکے تلاشی مہم شروع کی۔
انہوں نے بتایا کہ سلامتی دستوں نے باہر جانے والے تمام راستوں کو سیل کردیا ہے اور گھر گھر جاکر تلاشی مہم شروع کی۔ اس دوران جب وہ ایک خصوصی علاقے کی طرف جارہے تھے تب ملی ٹنٹوں نے وہاں گولہ باری شروع کر دی۔ اس کے بعد سلامتی دستوں نے بھی جوابی کارروائی کی جس کے بعد تصادم شروع ہوگیا۔
کسی طرح کے مظاہرہ سے بچنے کے لئے آس پاس کے علاقوں میں فاضل سلامتی دستوں اور ریاستی پولس کے اہلکاروں کو تعینات کردیا گیا ہے۔ کسی طرح کی افواہوں کو روکنے کے لئے احتیاط کے طور پر پلوامہ میں انٹرنیٹ موبائل خدمات معطل کردی گئی ہیں۔
دہلی ایمس میں ریذیڈینٹ ڈاکٹروں کی ہڑتال، مریضوں کی بڑھی پریشانی
کولکاتا کے ریذيڈینٹ ڈاکٹروں کی حمایت میں دہلی ایمس کے ریذيڈینٹ ڈاکٹر بھی آ گئے ہیں، دہلی ایمس میں ڈاکٹر ہڑتال پر ہیں، ایسے میں مریضوں کی پریشانی بڑھ گئی ہے۔
Delhi: Patients face difficulties as Resident Doctors Association (RDA) of AIIMS is on strike today over violence against doctors in West Bengal. Relative of a patient says, "My mother's dialysis was scheduled for today, we were told to go & get it done from somewhere else," pic.twitter.com/sFVF6D8VMj
— ANI (@ANI) June 14, 2019
وہیں دہلی کے صفدر جنگ اسپتال کے ڈاکٹرس بھی کولکاتا کے ڈاکٹرس کی حمایت میں آ گئے ہیں، صفدر جنگ اسپتال کے ڈاکٹرس بھ مظاہرہ کر رہے ہیں۔
Delhi: Resident Doctors' Association, Safdarjung Hospital holds protest over violence against doctors in #WestBengal. pic.twitter.com/qFELP2hXuX
— ANI (@ANI) June 14, 2019
بہار میں دبنگ بدمعاشوں کی دہشت، دو آر جے ڈی رہنماؤں کو ماری گولی
بہار کے مظفر پور میں بدمعاشوں نے آر جے ڈی کے دو رہنماؤں کو گولی ماری دی ہے ۔ دونوں کو ہی زخمی حالت میں اسپتال میں داخل کرایا گیا ہے۔
Bihar: Two local RJD leaders shot at by unknown assailants in Kanti, Muzaffarpur. Both the injured have been admitted to a hospital. Mukul Ranjan, DSP says, "Both the injured are in a stable condition now, investigation underway." pic.twitter.com/JXlEZd3aUw
— ANI (@ANI) June 14, 2019
ڈ ی سی پی مکل رنجن نے کہا ہے کہ دونوں زخمیوں کی حالت مستحکم ہے اور معاملے کی جانچ جاری ہے ۔
– Source بشکریہ قومی آواز بیورو—