اہم خبر: اناؤ ریپ متاثرہ کو انصاف دلانے کا مطالبہ، لکھنؤ میں کانگریس کارکنان گرفتار

by

اناؤ ریپ متاثرہ کو انصاف دلانے کا مطالبہ، لکھنؤ میں کانگریس کارکنان کو پولس نے کیا گرفتار

لکھنؤ میں اناؤ عصمت دری کی متاثرہ اور اس کے خاندان کو انصاف دلانے کے لئے کانگریس کارکنان نے مظاہرہ کیا۔ کانگریس نے ٹوئٹ کر کے کہا کہ کارکنان کو وزیر اعلیٰ اجے بشٹ (یوگی) کی تاناشاہ حکومت نے گرفتار کر لیا ہے۔

پرینکا گاندھی کی پی ایم مودی سے اپیل، ملزم بی جے پی ایم ایل اے کو شہ دینا بند کریں

اناؤ ریپ متاثرہ کے سڑک حادثے میں زخمی ہونے کے معاملے میں کانگریس جنرل سکریٹری پرینکا گاندھی نے ملزم بی جے پی ممبر اسمبلی سینگر کے خلاف سخت کارروائی کا مطالبہ کیا ہے، انہوں نے ٹوئٹ کر کہا، ’’ہم کلدیپ سینگر جیسے لوگوں کو سیاسی طاقت اور تحفظ کیوں دیتے ہیں، جبکہ متاثرین کو اکیلے لڑائی لڑنے کے لئے چھوڑ دیتے ہیں؟‘‘

ایک اور ٹوئٹ میں پرینکا گاندھی نے وزیر اعظم مودی سے اپیل کرتے ہوئے کہا، ’’مقدمے میں صاف ہے کہ خاندان کو دھمکی مل رہی تھی، انہوں نے حادثے کا اندیشہ بھی ظاہر کیا تھا، خدا کے واسطے وزیر اعظم مودی جی، اس مجرم اور اس کے بھائی کو آپ کی پارٹی سے مل رہی سیاسی سرپرستی کو دینا بند کیجیے‘‘۔


اناؤ ریپ متاثرہ معاملے میں لوک سبھا میں زوردار ہنگامہ

اناؤ ریپ متاثرہ معاملے میں لوک سبھا میں زوردار ہنگامہ ہوا ہے، ایوان میں کانگریس کے لیڈر ادھیر رنجن چودھری نے اس معاملے میں وزیر داخلہ امت شاہ سے جواب دینے کی مانگ کی ہے، وہیں بی جے پی کا کہنا کہ اس معاملے میں سی بی آئی جانچ کی سفارش کی گئی ہے۔

کانگریس رہنما ادھیر رنجن چودھری نے کہا، ’’اناؤ ریپ متاثرہ کے ساتھ ہوئے سڑک حادثہ کی وجہ سے ہندوستان کے لوگ شرم محسوس کر رہے ہیں، یہ مہذب معاشرے پر ایک بدنما داغ ہے جہاں پہلے ایک نابالغ لڑکی کے ساتھ اجتماعی عصمت دری ہوئی، اب ایک ٹرک نے متاثرہ کی کار (رائے بریلی میں) کو ٹکر مار دی جس کے سبب ایک گواہ کا خاتمہ کردیا گیا اور متاثرہ اور اس کے وکیل کی حالت نازک بنی ہوئی ہے‘‘۔


لکھنؤ میں اناؤ ریپ متاثرہ خاندان کا اسپتال کے باہر دھرنا

لکھنؤ کے كےجی ایم يو اسپتال میں اناؤ ریپ متاثرہ اور اس کے وکیل کا علاج جاری ہے، خبروں کے مطابق دونوں کی حالت نازک بنی ہوئی ہے۔ انہیں وینٹی لیٹر پر رکھا گیا ہے۔ وہیں متاثرہ کا خاندان اسپتال کے باہر دھرنے پر بیٹھ گیا ہے۔


وہیں اناؤ ریپ متاثرہ کے ایکسیڈنٹ کو لے کر یوگی حکومت کے خلاف سماج وادی پارٹی کے ممبران پارلیمنٹ اور دیگر پارٹیوں کے ارکان نے پارلیمنٹ کے احاطے میں مہاتما گاندھی کی مورتی کے سامنے مظاہرہ کیا۔


راجیہ سبھا میں آج پیش کیا جائے گا تین طلاق بل، کانگریس نے جاری کیا وہپ

مرکزی حکومت آج راجیہ سبھا میں مسلم خواتین سے متعلق تین طلاق بل پیش کرنے والی ہے۔ گزشتہ ہفتہ اس بل کو لوک سبھا میں پیش کیا گیا تھا جہاں سے اسے پاس کر دیا گیا تھا۔ کانگریس اس بل کی مخالفت کر رہی ہے اور اس نے اپنے سبھی راجیہ سبھا اراکین کو وہپ جاری کیا ہے تاکہ راجیہ سبھا سے اس بل کو پاس کرانے میں مرکزی حکومت کامیاب نہ ہو۔


اِسرو کے سائنسدانوں کی تنخواہ میں تخفیف معاملہ پر راجیہ سبھا میں نوٹس

کانگریس رکن پارلیمنٹ موتی لال وورا نے اِسرو کے سائنسدانوں کی تنخواہ میں تخفیف یعنی کٹوتی پر ناراضگی ظاہر کی ہے۔ انھوں نے اس سلسلے میں راجیہ سبھا میں وقفہ صفر کے دوران نوٹس بھی دیا ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading