شکاگوکے اپارٹمنٹ میں گولہ باری، چار ہلاک
شکاگو: امریکہ کے شکاگو میں سنیچر کی رات ایک اپارٹمنٹ میں گولہ باری میں چار لوگوں کی موت ہوگئی اور ایک شخص سنگین طور سے زخمی ہوگئے۔ مقامی میڈیا نے پولس کے حوالے سے بتایا کہ حملہ آور کی شناخت 67 سالہ تعمیری مزدور کے طور پر ہوئی ہے جو گزشتہ 15 برسوں سے یہاں واقع تین منزلہ عمارت میں رہ رہا تھا۔ وہ کل رات اپنے اپارٹمنٹ سے نکل کر پڑوس کے اپارٹمنٹ میں گیا اور چار لوگوں کو گولی مار کر ہلاک کردیا۔ گولی باری میں تین مرد اور ایک خاتون کی موت ہوگئی۔
اس کے بعد حملہ آور ایک دیگر اپارٹمنٹ میں داخل ہوا اور وہاں بھی ایک خاتون کو گولی مار دی۔ خاتون کی حالت سنگین ہے اور وہ اسپتال میں بھرتی ہے۔ پولس نے ملزم کو حراست میں لے لیا ہے اور اس کی بندوق بھی ضبط کرلی گئی ہے۔ پولس نے بتایا کہ ملزم کا اپنے پڑوسیوں کےساتھ پہلے سے جھگڑا چل رہا تھا۔
ٹیم انڈیا نے افریقہ کو دوسرے ٹسٹ میں بھی ہرایا، سیریز میں 2-0 کی ناقابل تسخیر برتری
ہندوستان نے جنوبی افریقہ کو پونے میں کھیلے گئے دوسرے ٹسٹ میں اننگ اور 137 رنوں سے شکست دے کر تین میچوں کی ٹسٹ سیریز میں 2-0 کی ناقابل تسخیر برتری حاصل کر لی ہے۔ ہندوستان نے ٹسٹ سیریز اپنے نام کرکے فریڈم ٹرافی پر قبضہ کر لیا ہے۔
سیریز کا اب محض ایک میچ باقی ہے جوکہ 19 اکتوبر کو رانچی میں کھیلا جائے گا۔
Maharaj & Philander hold fort for South Africa as we head to Tea with 172/7. Join us for the final session of play in a bit #TeamIndia #INDvSA @Paytm pic.twitter.com/9dtZWANhcJ
— BCCI (@BCCI) October 13, 2019
That will be it. #TeamIndia win the 2nd Test by an innings & 137 runs. 2-0 ???? #INDvSA @Paytm pic.twitter.com/pt3PPffdQt
— BCCI (@BCCI) October 13, 2019
مہاراشٹر کے لوگ تبدیلی چاہتے ہیں: پوار
اورنگ آباد: نیشنلسٹ کانگریس پارٹی (این سی پی) کے صدر شرد پوار نے انتخابی ریلی کے دوران دعوی کیا کہ مہاراشٹر کے لوگ اب تبدیلی چاہتے ہیں ۔ پوار نے ضلع بیڑ کے گووراے میں ہفتہ کو انتخابی ریلی سے خطاب کرتے ہوئے کہا کہ انہوں نے ریاست بھر کا دورہ کیا اور لوگوں سے بات کی جس کے بعد وہ کہہ سکتے ہیں کہ یہاں کے لوگ اب تبدیلی چاہتے ہیں ۔ انہوں نے کہا کہ ریاست کے لوگ بخوبی جانتے ہیں کہ انہوں نے مہاراشٹر کے لئے کیا کیا ہے ۔
پوار نے کہا’’ریاست کے لوگوں کو بخوبی معلوم ہے کہ میں نے مہاراشٹر کے لئے کیا کیا ہے ۔ بھارتیہ جنتا پارٹی کے صدر امت شاہ سیاست میں ابھی نئے ہیں ‘‘۔انہوں نے کہا کہ شاہ کی پارٹی اچھے طرح جانتی ہے کہ وہ یہ انتخابات ہارنے جا رہی ہے ۔انہوں نے کہا کہ بی جے پی بے روزگاری اور دیگر حساس مسائل سے توجہ ہٹانے کے لئے دفعہ 370 ہٹانے جیسے مسئلے کو اچھال رہی ہے۔ واضح رہے کہ مہاراشٹر میں 21 اکتوبر کو اسمبلی انتخابات ہونے ہیں اور انتخابی تشہر کے آخری دنوں میں تمام پارٹیاں پورا زور لگا رہی ہیں ۔
ایران اور سعودی عرب کے درمیان ثالث ہوں گے عمران خان
ریاض: ایران اور سعودی عرب کے درمیان بڑھتی کشیدگی کو کم کرنے کے لئے اپنی ثالثی کوششوں کے تحت پاکستان کے وزیر اعظم عمران خان اتوار كو ریاض پہنچ رہے ہیں ۔
عمران خان سعودی عرب کے علاوہ ایران کے سرکاری دورہ پر بھی تہران جا رہے ہیں۔ ان کے ایجنڈے میں علاقے میں کشیدگی کم کرنے کے لئے راستہ تلاش کرنے کو لے کر تبادلہ خیال کرنا شامل ہے۔
عمران خان نے ستمبر میں اقوام متحدہ کی جنرل اسمبلی سے خطاب کرنے کے بعد کہا تھا کہ امریکہ اور سعودی عرب نے ریاض اور ایران کے درمیان کشیدگی کو کم کرنے کے لئے ثالثی کرنے کا مشورہ دیا ہے۔ اس کے بعد ہی عمران خان کے دورے طے کئے گئے ہیں۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-