اجمیر میں عید کے موقع پر جنتی دروازہ صبح کھولا گیا
اجمیر: عیدالفطر کے موقع پر راجستھان کے اجمیر میں واقع خواجہ معین الدین حسن چشتی کی درگاہ کے احاطہ میں آستانہ شریف کے باہر صبح کھولا گیا جنتی دروازہ دوپہر کے بعد بند کردیا گیا۔
جنتی دروازہ سے نکل کر آستانہ شریف پر حاضرین کا ہجوم صبح سویرے سے ہی امڈ پڑا۔ اس دوران پولس اور درگاہ کمیٹی کے ملازمین کو مشقت کر کے بھیڑ کو قابو کرنی پڑی۔ اس دوران جنتی دروازہ میں داخلہ کے لئے عقیدت مند قطار بند ہو کر انتطار کرتے رہے۔ عید کے مبارک موقع پر جنتی دروازہ کھولے جانے کی روایت بہت قدیم ہے اور اس موقع پر عقیدت مندوں کا زبردست ہجوم ہوتا ہے۔
جنتی دروازہ سال میں چار بار خاص مواقع پر ہی کھولا جاتا ہے جس میں عید کا دن بھی شامل ہے۔ رمضان کے مقدس مہینے کے 29 دنوں کے روزو ں کے بعد گزشتہ رات شوال کا چاند نظر آنے پر ملک کے دیگر مقامات کی طرح اجمیر شریف میں بھی روایتی طریقہ سے عیدمنائی گئی۔
تیل کے دام کم ہونے کا فائدہ لوگوں كو نہیں ملا: کانگریس
نئی دہلی: کانگریس نے الزام لگایا ہے کہ بین الاقوامی مارکیٹ میں خام تیل کی قیمتیں ایک ہفتے میں 13 فیصد سے زیادہ کم ہوئی ہیں لیکن حکومت ملک کے عوام کو اس کا فائدہ دینے میں ناکام رہی ہے۔
کانگریس کے میڈیا سیل کے سربراہ رنديپ سنگھ سورجےوالا نے بدھ کو ٹوئٹ کیا کہ "گزشتہ سات دنوں میں خام تیل کی قیمت 13.65 فیصد گری ہے لیکن پٹرول-ڈیزل کے دام محض 0.90 فیصد ہی گھٹے ہیں۔ ایسا کیوں؟ بی جے پی حکومت خام تیل کی قیمتوں میں کمی کا فائدہ لوگوں تک پہنچانے میں ناکام رہی ہے”۔
انہوں نے مودی حکومت پر حملہ کرتے ہوئے کہا کہ لوگوں کو امید ہے کہ وہ پٹرول- ڈیزل اور رسوئی گیس کے دام کم کرکے انہیں ریلیف دی جائے گی۔ انہوں نے کہا کہ "پٹرول-ڈیزل اور رسوئی گیس کی قیمتوں میں ریلیف، یہی ہے عوام کی نئی حکومت سے امید”۔
– Source بشکریہ قومی آواز بیورو—