اہم خبریں: محی الدین یٰسین ہوں گے ملیشیا کے اگلے وزیر اعظم

by

محی الدین یٰسین ہوں گے ملیشیا کے اگلے وزیر اعظم

خبر رساں ادارہ رائٹرس سے موصول ہو رہی خبروں کے مطابق ملیشیا کے اگلے وزیر اعظم محی الدین یٰسین ہوں گے۔


اناؤ عصمت دری متاثرہ کے والد کی حراست میں ہوئی موت پر 4 مارچ کو آئے گا فیصلہ

اناؤ عصمت دری واقعہ میں متاثر کے والد کی عدالتی حراست میں مبینہ قتل معاملے میں دہلی کے تیس ہزاری کورٹ نے ہفتہ کو فیصلہ ملتوی کر دیا ہے۔ اب عدالت 4 مارچ کو فیصلہ سنا سکتی ہے۔ عصمت دری متاثرہ کے والد کے قتل کا الزام بی جے پی کے سابق رکن اسمبلی کلدیپ سنگھ سینگر پر ہے۔ اس معاملے میں کلدیپ سمیت کل 10 لوگوں پر الزام طے کیے گئے ہیں۔


مدھیہ پردیش: جھولا جھولتے وقت پھندا لگنے سے بچے کی موت

ستنا: مدھیہ پردیش کے ستنا ضلع کے کولگواں تھانہ علاقے میں جھولا جھولتے وقت گلے میں پھندا لگنے سے ایک بچے کی موت ہوگئی ہے۔ پولس ذرائع کے مطابق بڑلا کالونی کا رہنے والا 13 سالہ بچہ ردراکش مالوئے کل شام رسّی ڈال کر جھولا جھول رہا تھا۔ تبھی اچانک رسی سے اس کے گلے میں پھندا لگ گیا، جس سے اس کی موت ہو گئی۔ پولس نے معاملہ درج کر کے جانچ شروع کردی ہے۔

کورونا وائرس کی وجہ سے امریکہ نے آسیان سمیلن کیا ملتوی

کورونا وائرس کے قہر کو دیکھتے ہوئے امریکہ نے ایک بڑا فیصلہ کیا ہے۔ جنوب مشرقی ایشیائی ممالک کی تنظیموں کے لیڈران کے ساتھ ایک خصوصی اعلیٰ سطحی میٹنگ کو ملتوی کر دیا گیا ہے۔ یہ میٹنگ مارچ کے دوسرے ہفتے میں لاس ویگاس میں منعقد ہونے والی تھی۔ اس تقریب کے دوران امریکی صدر ڈونالڈ ٹرمپ اور آسیان ممالک کے لیڈروں کے درمیان دو فریقی میٹنگ کا منصوبہ بنایا گیا تھا۔


شمال مشرقی دہلی میں پولس کا پہرہ اب بھی سخت، دفعہ 144 نافذ

شمال مشرقی دہلی میں تشدد کے بعد حالات دھیرے دھیرے معمول پر آ رہے ہیں، لیکن پولس کا پہرہ یہاں اب بھی سخت ہے۔ حالات کو قابو میں رکھنے کے لیے یہاں دفعہ 144 اب بھی نافذ ہے۔


جیل سے سماعت کے لیے جا رہے اعظم خان نے کہا ’دہشت گرد کی طرح کیا جا رہا سلوک‘

اتر پردیش کے سیتا پور سے رام پور سماعت کے لیے جا رہے سماجوادی پارٹی کے رکن پارلیمنٹ اعظم خان نے کہا کہ میرے ساتھ ایک دہشت گرد کی طرح سلوک کیا جا رہا ہے۔


پاکستان: سندھ میں ٹرین اور بس کے درمیان زبردست ٹکر، 30 افراد ہلاک، متعدد زخمی

پاکستان کے سندھ علاقہ میں ایک ریلوے کراسنگ کو پار کرنے کی کوشش کرتے وقت مسافر بس ٹرین کی زد میں آ گئی۔ اس اندوہناک حادثہ میں کم و بیش 30 لوگوں کی موت ہو گئی اور کئی دیگر زخمی ہو گئے۔ پاکستانی میڈیا ذرائع سے موصول ہو رہی خبروں کے مطابق یہ حادثہ سندھ کے روہری علاقہ میں ہوا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading