افغانستان میں نماز جمعہ کے دوران مسجد میں یکے بعد دیگرے دوبم دھماکوں میں تقریباً 30 افراد ہلاک جبکہ 60 سے زیادہ زخمی ہو گئے۔ اطلاعات کے مطابق ہلاک شدگان میں بڑی تعداد میں نمازی شامل ہے۔ بین الاقوامی خبر رساں ادارے کے مطابق افغانستان کے صوبے ننگرہار کی ایک مسجد میں نماز جمعہ کے دوران اچانک زوردار بم دھماکے ہوئے جسے سے مسجد کے شیشے ٹوٹ گئے اورعمارت کو شدید نقصان پہنچا۔
A bomb exploded in a mosque in eastern #Afghanistan during Friday prayers, killing at least 30 men who had gathered for worship.
Around 60 others were wounded in the blast in Nangarhar province.
ISIS affiliate and Taliban both active in area.
— Frud Bezhan فرود بيژن (@FrudBezhan) October 18, 2019
ریسکیو اداروں نے امدادی کاموں کا آغاز کرتے ہوئے شہید اور زخمی ہونے والوں کو قریبی اسپتال منتقل کیا جہاں 20 نمازیوں کی شہادت کی تصدیق کردی گئی ہے جب کہ 50 زخمی ہیں جن میں سے 9 کی حالت نازک ہے۔ ننگرہار پولس چیف کا کہنا ہے کہ تحقیقات جاری ہیں تاہم حملے کی نوعیت کا تعین نہیں کیا جاسکا ۔ طالبان سمیت کسی بھی شدت پسند تنظیم نے حملے کی ذمے داری قبول نہیں کی۔
Head of Haska Mena Hospital in Nangrahar to Ashna TV:- The dead count will rise, 32 bodies and 62 wounded brought so far to the hospital from the blast site inside the mosque in Nangarhar during Friday prayers-#Afghanistan #mosqueattack #Prayers
Photo:- Archive pic.twitter.com/dyIplNwFLT
— Shaista Sadat Lameh (@ShaistaLameh) October 18, 2019
واضح رہے کہ افغان طالبان اورامریکہ کے درمیان ہونے والے امن مذاکرات کو صدر ٹرمپ نے آخری مراحل میں اچانک ختم کردیا تھا جس کے بعد سے افغانستان میں حملوں میں شدت آئی ہے جب کہ تاحال صدارتی الیکشن کے نتائج کا بھی اعلان نہیں کیا گیا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-