مہاراشٹرا اسٹیٹ بورڈ آف سیکنڈری اینڈ ہائیر سیکنڈری ایجوکیشن کی جانب سے منعقد کی گئی بارہویں جماعت کے امتحان کا نتیجہ 5 مئی کو جاری کیا گیا تھا۔ اس کے بعد سے دسویں جماعت کا نتیجہ کب آئے گا، اس بارے میں تمام طلباء اور والدین کو تجسس تھا۔ اب ان کا یہ تجسس ختم ہو چکا ہے۔ دسویں جماعت کا نتیجہ 13 مئی کو دوپہر 1 بجے جاری کیا جائے گا۔
پونے، ناگپور، چھترپتی سمبھاجی نگر، ممبئی، کولہا پور، امراؤتی، ناسک، لاتور اور کوکن کے نو ڈویژنل بورڈز کے تحت دسویں جماعت کے امتحانات منعقد کیے گئے تھے۔ اب ان امتحانات کا نتیجہ جاری ہونے جا رہا ہے۔ 13 مئی کو دوپہر 1 بجے یہ نتیجہ آن لائن دستیاب ہوگا۔ نتیجے سے قبل بورڈ کی جانب سے ایک پریس کانفرنس منعقد کی جائے گی، جس میں نتائج سے متعلق مجموعی معلومات فراہم کی جائیں گی۔
اس سال دسویں جماعت کا نتیجہ بھی جلدی
گزشتہ سال یعنی 2024 میں، مہاراشٹرا بورڈ کا دسویں جماعت کا نتیجہ 27 مئی کو جاری کیا گیا تھا۔ اس سال دسویں اور بارہویں جماعت کے امتحانات بھی جلدی مکمل ہوئے تھے۔ اسی وجہ سے بارہویں جماعت کا نتیجہ بھی جلدی آیا۔ اب دسویں جماعت کا نتیجہ بھی جلدی جاری کیا جا رہا ہے۔
2024-25 میں دسویں جماعت کے امتحانات میں تقریباً 16 لاکھ طلباء شریک ہوئے تھے۔ پورے ریاست میں اس کے لیے 5130 امتحانی مراکز قائم کیے گئے تھے۔