یہ فیلڈنگ کے اعدادوشمار نیوزی لینڈ کو چیمپیئن بنتا دکھا رہے ہیں، ٹیم انڈیا کے حالات پاکستان جیسے ہیں

نئی دہلی:کرکٹ میں ایک مشہور کہاوت ہے- ‘کیچ پکڑو، میچ جیتو’۔ اور چیمپئنز ٹرافی (Champions Trophy 2025) میں نیوزی لینڈ نے اس بات کو سب سے بہترین طریقے سے ثابت کیا ہے۔ اور اگر اسی کو معیار مان لیا جائے، تو یہ بات مکمل طور پر واضح ہے کہ نیوزی لینڈ کی ٹیم چیمپئنز ٹرافی کے فاتح بننے جارہی ہے۔ اس پہلو پر اتوار کو بھارت کے خلاف (India vs New Zealand) نیوزی لینڈ کے فیلڈرز خاص کر گلین فلپس (Glenn Phillips) اور کین ولیمسن (Kane Williamson) نے بہت ہی شاندار طریقے سے مہر لگا دی۔

فلپس نے کوہلی کا "ویرات” کیچ پکڑ کر ان کی اننگز کا وقت سے پہلے خاتمہ کیا، تو ولیمسن نے اکشر پٹیل اور رویندرا جڈیجا کے شاندار کیچ لے کر دکھایا کہ میگا ٹورنامنٹ میں کوئی ٹیم نیوزی لینڈ کے قریب بھی نہیں ہے۔ اور صرف کیچ لینے کا انداز ہی نہیں، بلکہ اعدادوشمار بھی اس کی مکمل تصدیق کررہے ہیں۔ وہیں، اس معاملے میں بھارت کے حالات پڑوسی پاکستان جتنے ہی بدتر ہیں، جو کہ بہت ہی تشویش کی بات ہے۔

اب تک ٹورنامنٹ میں کیچنگ کوالٹی
اس معاملے میں نیوزی لینڈ (96.0 %) کے ساتھ پہلے نمبر کی ٹیم ہے۔ اور یہ بات اس کے کیچوں کی کوالٹی سے صاف سمجھی بھی جا سکتی ہے، لیکن جو سب سے اہم بات ہے، وہ یہ ہے کہ ابھی تک کے سفر میں اس کے فیلڈرز نے ایک ہی کیچ ڈراپ کیا ہے۔ وہیں، باقی ٹیموں میں جنوبی افریقہ (88.2 %, 2 ڈراپ) دوسرے،
آسٹریلیا (87.5 %, 2 کیچ ڈراپ) تیسرے نمبر پر ہے۔

بھارت کے حالات پاکستان جیسے!!
یہ صحیح ہے کہ ٹیم روہت کیچنگ کوالٹی میں (77.7 %) میں آٹھوں ٹیموں میں چوتھے نمبر پر ہے، لیکن تشویش کی بات یہ ہے کہ کیچ گرانے کے معاملے میں وہ اس معاملے میں سب سے پیچھے میزبان پاکستان (60 %, 4 کیچ ڈراپ) کے برابر ہے۔ اس میں بھی اگر اور گہرائی میں جایا جائے، تو ایسا وکٹ کیپنگ کے باعث ہے، جس پر انتظامیہ کو ناک آؤٹ راؤنڈ میں توجہ دینا ہوگا۔

باقی ممالک کی ایسی ہے صورتحال
وہیں، اسی اعدادوشمار میں افغانستان (75 %, 4 کیچ ڈراپ) پانچویں، انگلینڈ (73.3 %, 4 ڈراپ) چھٹے اور بنگلہ دیش (66.6 %, 4 کیچ ڈراپ) ساتویں نمبر پر ہے۔ پاکستان کا حال ہم آپ کو اوپر بتا ہی چکے ہیں۔ یہ اعدادوشمار صاف بول رہے ہیں کہ بھارت کی کیچوں کی کوالٹی کا سطح تو چوتھے نمبر کا ہے، لیکن اسے کیچ پکڑنے کے معاملے میں بہتری کرنی ہوگی۔ وہ چار کیچ ڈراپ کر چکے ہیں اور اتوار کو نیوزی لینڈ کے خلاف ورون چکرورتی کے تھوڑا مشکل کیچ چھوڑنے کے معاملے نے ان کے کیچ چھوڑنے کی تعداد کو پانچ کر دیا ہے۔