نئی دہلی:7نومبر۔( ورق تازہ نیوز)بہار میں مہاگٹھ بندھن کے ممکنہ وزیر اعلیٰ کے چہرے اور آر جے ڈی کے رہنما تیجسوی یادو نے انتخابات سے قبل مسلم نائب وزیر اعلیٰ کا چہرہ نہ پیش کیے جانے پر کھل کر وضاحت دی ہے۔ این ڈی ٹی وی کے ایڈیٹر اِن چیف راہل کنول کو دیے گئے خصوصی انٹرویو میں تیجسوی نے کہا کہ اشوک گہلوت نے جب مکیش سہنی کو نائب وزیر اعلیٰ کے طور پر نامزد کیا تو صاف کہا تھا کہ مختلف برادریوں کے مزید نائب وزیر اعلیٰ بنائے جائیں گے، تو اس میں مسئلہ کیا ہے؟
بہار میں کس کی آ رہی ہے بہار؟
جب تیجسوی یادو سے بَہُت زیادہ ووٹنگ پر رائے مانگی گئی تو انہوں نے کہا کہ عوام مہاگٹھ بندھن کے حق میں بھرپور جوش و خروش کے ساتھ ووٹ دے رہے ہیں۔
سیماچل میں اویسی نقصان پہنچائیں گے؟
اس سوال پر کہ کیا انتخابات کے دوسرے اور آخری مرحلے میں سیماچل کے علاقوں میں اسد الدین اویسی کی پارٹی کے امیدوار پچھلی بار کی طرح نقصان پہنچا سکتے ہیں؟
تیجسوی یادو نے واضح طور پر کہا، “نہیں، اس بار کوئی نقصان نہیں ہوگا۔ کوئی فرق نہیں پڑنے والا ہے۔”
انہوں نے مزید کہا کہ چاہے سیماچل ہو، مگدھ کا علاقہ ہو، بھوجپوری خطہ ہو، یا متھلانچل اور مگہی علاقے — ہر جگہ سے لوگ اس بار مہاگٹھ بندھن کے حق میں ووٹ دے رہے ہیں۔
تیجسوی نے مزید کہا کہ آپ لوک سبھا کے نتائج بھی دیکھ لیجیے، ان علاقوں میں ہمیں کسی قسم کے فرق کی امید نہیں ہے۔