جگدلپور: چھتیس گڑھ کے بستر ضلع کے چترکوٹ اسمبلی ضمنی انتخابات میں کانگریس کے راجمن بینجام نے اپنے نزدیکی حریف بھارتیہ جنتاپارٹی (بی جے پی) کے لکچھو رام کشیپ کو 17800 سے زیادہ ووٹوں سے شکست دیکر بی جے پی سے یہ سیٹ چھین لی۔
سرکاری اطلاعات کے مطابق ضمنی انتخابات کی ووٹوں کی گنتی کے 17 ویں دور میں بی جے پی کے کشیپ کو 44197 ووٹ حاصل ہوئے جبکہ کانگریس کے بینجام 62050 ووٹ حاصل کئے۔ اس طرح انہوں نے بی جے پی امیدوار کو 17853 ووٹ سے شکست دیکر یہ سیٹ ان سے چھین لی۔
ضمنی انتخابات میں جنتا کانگریس چھتیس گڑھ (جے) کے بومڑا منڈاوی کو 6524 ووٹ ملے۔ اس کے علاوہ کمیونسٹ پارٹی آف انڈیا کے امیدوار ہڑمو رام منڈاوی 6948 اور امبیڈکرائٹ پارٹی آف انڈیا کے لکھیشور کواسی 2650 ، آزاد امیدوار رتیکا کرما 2575 ووٹ حاصل کئے۔ ان کے علاوہ نوٹا کو 6005 ووٹ ملے ہیں۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-