ناندیڑ : (ورق تازہ نیوز) کل شام پورنا سے اکولا جانے والی مال ٹرین کے دو انجن پٹری سے اتر گئے۔ خوش قسمتی سے کوئی جانی نقصان نہیں ہوا۔ پورنا ریلوے اسٹیشن کے قریب میل نمبر 53 بی 1/12 پر ٹرین کے دو انجن اچانک پٹری سے اتر گئے۔ جیسے ہی ڈرائیور کو یہ معلوم ہوا، ڈرائیور نے واقعہ کی اطلاع پورنا ریلوے اسٹیشن ماسٹر کو دی۔ ریلوے حکام اور محکمہ سی این ڈبلیو کے ملازمین موقع پر پہنچ گئے ہیں۔
گڈز ٹرین کا انجن پٹری سے اترنے سے اس روٹ پر ریلوے کی آمدورفت میں خلل پڑا ہے۔ جے پور حیدرآباد، پنڈھار پور ایکسپریس اور دیوگیری، ناندیڑ سے ممبئی جانے والی نندی گرام ایکسپریس اس واقعہ کی وجہ سے تاخیر کا شکار ہوگئیں۔ اس دوران ٹرین کو دوبارہ پٹری پر لانے کا کام جنگی سطح پر جاری ہے۔
ٹرین ڈرائیور کو جب معلوم ہوا کہ انجن پٹری سے اتر گیا ہے تو اس نے اسٹیشن ماسٹر کو اطلاع دی۔ سٹیشن ماسٹر نے فوری طور پر ریلوے سٹیشن پر ایمرجنسی سائرن بجا دیئے۔ اس کے بعد سی این ڈبلیو محکمہ کے افسران جی دیپک کمار، سچن واگھمارے اجے کمار پنڈھارپورے، سورج شینڈگے، مہیندر ٹھاکر اور ریلوے سیکورٹی فورس کے دیگر ملازمین امیت جھا، اسٹیشن ماسٹر راجو بھیسے وغیرہ موقع پر پہنچ گئے۔ اس دوران اس واقعہ میں کوئی جانی نقصان نہیں ہوا۔ اس کے علاوہ ریلوے لائن کو بھی کوئی نقصان نہیں پہنچا۔
#nanded #TRAIN #purna #train derailed pic.twitter.com/ZZ3FkN3qKC
— Waraque E Taza News (@WaraqueTazaUrdu) October 27, 2023