نئی دہلی: سپریم کورٹ نے ملک کو دہلا دینے والے نربھیا اجتماعی آبرو ریزی اور قتل معالے کے قصورواروں کو الگ الگ پھانسی دینے سے متعلق مرکز اور دہلی حکومت کی خصوصی اجازت عرضی پر سماعت پانچ مارچ تک کےلئے منگل کو ٹال دی۔ جسٹس آر بھانو متی کی صدارت والی خصوصی بنچ نے یہ کہتے ہوئے عرضی کی سماعت پانچ مارچ تک کےلئے ٹال ڈی کہ گناہ گاروں کو تین مارچ کو پھانسی دی جانی ہے ،اس لئے وہ ڈیتھ وارنٹ کےعمل میں آنے کا انتظار کرےگی۔مرکزی حکومت نے ہائی کورٹ کے اس فیصلے کو چیلنج کیا ہے جس میں اس نے کہا ہے کہ چاروں گناہ گاروں کو الگ الگ پھانسی نہیں ہوسکتی۔
واضح رہے کہ دہلی ہائی کورٹ نے بدھ کو اپنے فیصلے میں کہا کہ نربھیا کے چاروں قصورواروں کو الگ الگ وقت پر پھانسی نہیں دی جاسکتی جبکہ مرکزی حکومت نے اپنی عرضی میں کہاتھا کہ جن قصورواروں کی عرضی کسی بھی فورم میں التوا میں نہیں ہے،انہیں پھانسی پر لٹکایا جائے۔ایک قصوروار کی عرضی التوا میں ہونے سے دوسرے قصورواروں کو راحت نہیں دی جاسکتی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو