ناندیڑ:9مئی (ورق تازہ نیوز)ناندیڑ گرامین کے سب انسپکٹر مہیش کورے نے 26 اپریل کو ایک سرکاری اسپتال میں دو نامعلوم ٹھگوں کو ایک خاتون کو 30 لاکھ روپے کی فرضی ادائیگی کے سلسلے میں گرفتار کیا۔ ان کے پاس سے 5 لاکھ روپے کی نقدی، ایک لاکھ روپے کی دو پہیہ گاڑی اور ایک موبائل فون ضبط کیا گیا ہے۔ آج دونوںدھوکہ بازوں کو عدالتی ریمانڈ پر جیل بھیج دیا گیا ہے۔26 اپریل کو گوندیا ضلع کی ایک 50 سالہ خاتون سنندامہندرا رام ٹیکے نے شکایت کی کہ ایک سوشل نیٹ ورکنگ سائٹ پر اس سے رابطہ کرکے اشوک پاٹل نامی شخص نے اس سے 8 لاکھ روپے لیے اور اسے 30 لاکھ روپے کا بنڈل دیا۔
اس میں زیادہ تر حصوں میں 400 روپے کے 4 نوٹ تھے اور باقی تمام بنڈل سیلو ٹیپ سے بند تھے۔ اس دھوکہ دہی کے لیے ناندیڑ دیہی پولیس اسٹیشن میں درج 254/2022 کی تفتیش سب انسپکٹر مہیش کورے کو سونپی گئی تھی۔ ان کی مدد سب انسپکٹر وجے پاٹل اور پولیس ملازم سنیل گٹلیوار نے کی۔سنندا کو دھوکہ دینے کا واقعہ سرکاری اسپتال وشنو پوری میں پیش آیا۔ مہیش کورے نے اسپتال سے وزیرآباد تک کئی سی سی ٹی وی چیک کرنے کے بعد، انہیں موصول ہونے والی معلومات کی بنیاد پر، کیربا یادو کاکڑے (34سال)ساکن اودگیر اور اویناش اشوک سوریاونشی (31سال) ساکن اودگرکوگرفتار کرنے میں کامیابی حاصل کی۔
عدالت نے دونوں کو پولیس تحویل میں دے دیا۔ پولیس حراست کے دوران 5 لاکھ روپے کی نقدی اور ایک اسکوٹی اور ایک لاکھ روپے کے موبائل ضبط کر لئے گئے۔ آج عدالت نے دونوں دھوکہ بازوں کو جوڈیشل ریمانڈ پر جیل بھیج دیا۔ ان دھوکہ بازوںکی گرفتاری پر ڈپٹی انسپکٹر جنرل آف پولیس نثار تمبولی، پولیس سپرنٹنڈنٹ پرمود شیوالے، ایڈیشنل سپرنٹنڈنٹ آف پولیس نیلیش مورے، مقامی کرائم برانچ کے انسپکٹر آف پولیس دوارکا داس چکھلیکر نے پو لیس انسپکٹر مہیش کورے، وجے پاٹل، پولیس ملازم سنیل گٹلیوار کے کی کارکردگی پر مبارکباد دی۔