ناندیڑ: (#ورق تازہ نیوز) 29 مئی: ناندیڑ میں #کورونا سے متاثرہ خاتون مریضہ کا جمعہ کے روز انتقال ہوگیا۔ اس کا تعلق تعلقہ مکھیڑ سے تھا۔ آج صبح ان کی رپورٹ مثبت آئی تھی۔ اب ناندیڑ میں کورونا سے ہلاکتوں کی تعداد آٹھ ہوگئی ہے۔
آج صحت یاب ہونے کے بعد مزید 9 مریضوں کو اسپتال سے فارغ کردیا گیا ہے۔
شام 5 بجے جاری ہونے والے ہیلتھ نیوز لیٹر کے مطابق ، 29 مئی بروز جمعہ کو 113 کورونا ٹیسٹ رپورٹس موصول ہوئی تھیں ، جن میں سے 108 مریضوں کے منفی رپورٹ ہوئے جبکہ 5 نئے مریضوں کا اندراج کیا گیا ۔ جس کے بعد ناندیڑ ضلع میں کورونا سے متاثرہ افراد کی تعداد 143 ہوگئی ہے ۔جبکہ، دوسری طرف ، کورونا سے صحت یاب ہونے والے مریضوں کی تعداد میں اضافہ ہورہا ہے۔
جمعہ کے روز 9 مریض صحت یاب ہوئے اور انہیں اسپتال سے گھر بھیج دیا گیا۔ ان میں سے 8 مریض این آر آئی یاتری نواس کوویڈ کیئر سنٹر کے ہیں جبکہ ایک مریض سب ڈسٹرکٹ اسپتال ، مکھیڑ سے ہے۔ کورونا سے اب تک 99 مریض صحت یاب ہوچکے ہیں۔ جبکہ تادم تحریر 36 مریض زیر علاج ہیں۔