ناندیڑ:27اکتوبر:(ورقِ تازہ نیوز) شیواجی نگر کرائم انویسٹی گیشن اسکواڈ نے ایک 26 سالہ نوجوان سے ایک آتشیں اسلحہ (دیسی پستول) اور ایک زندہ کارتوس ضبط کیا ہے۔شیواجی نگر کرائم انویسٹی گیشن ٹیم کے سربراہ ملند سو ن کامبلے کو اس وقت ایک خفیہ اطلاع ملی جب 27 اکتوبر کو درگا وسرجن جلوس جاری تھا۔
اس نے اس کی اطلاع اسسٹنٹ سپرنٹنڈنٹ آف پولیس انچارج اشروبا گھاٹ کو دی۔ اس کے بعد پولس حکام روی شنکر بامانے، دیو سنگھ سنگل، لمباجی راٹھوڑ، اکوش لنگوڑے اور دتہ وڈجے نے آٹو ڈرائیور ساگر عرف منا شمس سنگھ پرمار (28سال) کو روڈ نمبر 26 کے قریب سے گرفتار کر لیا۔ اس کے پاس سے 20 ہزار روپے مالیت کا ایک دیسیپستول اور 2 ہزار روپے مالیت کا ایک زندہ کارتوس برآمد کیا گیا ہے
کُل مالیت 22 ہزار روپے ہے۔ اس معاملے میں ساگر پرمار کے خلاف انڈین آرمس ایکٹ کی دفعہ 3/25 کے تحت مقدمہ نمبر 350/2023 درج کیا گیا ہے۔پولیس سپرنٹنڈنٹ سری کرشنا کوکاٹے، ایڈیشنل سپرنٹنڈنٹ آف پولیس ابیناش کمار، ڈاکٹر کھدرائی دھرنے، ڈپٹی سپرنٹنڈنٹ آف پولیس سورج گورو کے ساتھ اسسٹنٹ انسپکٹر آف پولیس اشروبا گھٹے، سب انسپکٹر آف پولیس ملند سو ن کامبلے نے ان کی ٹیم کی تعریف کی ہے۔