ناندیڑ:22 اپریل: (ورق تازہ نیوز) ضلع کلکٹر ڈاکٹرویپن اٹنکر نے ناندیڑشہر کے دانتوں کے دواخانوں کو صبح سات بجے تا دوپہر ایک بجے تک کھلے رکھنے کی اجازت دی ہے ۔ چنانچہ آج یہ دواخانے کھلے رہے ۔جہاںدانتوں کے مریضوں کاعلاج شروع کیاگیا ہے ۔ ضلع کلکٹر کے ہمراہ آئی ڈی اے کے صدر ڈاکٹرچوہان اوردیگر عہدیداران کا اجلاس ہوا جس میں صرف دانتوں کے علاج کی محدود منظوری دی گئی ہے ۔اس کے علاوہ دانتوں کو پین لگانا دانت صاف کرنا کو منظوری نہیں دی گئی ہے ۔ اس طرح کی اطلاع آئی ڈی اے کے سیکریٹری ڈاکٹرسبودھ گائیکواڑ نے دی ہے ۔ کرونا مرض کی وباءشروع ہونے کے بعد دانتوں کے دواخانوں کو کھلے رکھنے کی اجازت نہیں تھی۔
