ناندیڑ:22جنوری( ورق تازہ نیوز) سراپا اقدس حضو رقطب الارشاد سیدنا بدیع الدین احمد الحسنی الحسینی قطب المدار المعروف زندہ شاہ مدار ؓ اپنی آغوش میں نور رحمت کا بحر بیکراں لئے حسب روایت آستانہ(چلہ) مبارک حضرت سیدنازندہ شاہ مدار بڑی درگاہ شریف گاڑی پورہ ناندیڑ کا 602سالہ عرس بڑے احتشام کے ساتھ بروزبدھ بتاریخ 16 جمادی الاول مطابق 23جنوری کو حضرت سید شاہ محمد نصیرالدین شمیم صاحب قبلہ جعفری مداری العشقان مکھاشاہی سجادہ نشین و متول بڑی درگاہ شریف ناندیڑ کی سرپرستی و نگرانی میں بعد نماز عصر صاحب سجادہ نشین کے مکان سے مجلس قل شریف بعداز جلوس صندل شریف روانہ ہوکر بڑی درگاہ شریف پہنچے گا۔بعد نما ز مغرب آستانہ مبارک میں پیشکش کشتی مبارک صندل مالی‘غلاف چادر گُل فاتحہ ‘ شجرہ خوانی و دُعا خیر بعد از تناول طعام نیاز شاہ مدارکااہتمام رہے گااور24جنوری بروز جمعرات بعد نماز عشاءایک عظیم الشان جلسہ عظمت اولیاءفیضان زندہ شاہ مدار منعقد ہوگا ۔ جس میں مقرر خصوصی حضرت علامہ مولانا مفتی محمد حنیف قادری صاحب (کامل الفقہ جامعہ نظامیہ)‘حیدر آباد اپنے مخصوص انداز میں خطاب فرمائیں گے۔ اور 25 جنوری بروز جمعہ بعد نماز فجرختم قرآن شریف و ختم طبقاتیہ مداریہ ‘فاتحہ‘ شجرہ خوانی و دعائیہ کے بعد تقسیم تبرک ہوگا۔ تمام وابستگان سلاسل مشائخین وعلمائے دین مریدین ان نورانی وبابرکت تقاریب میں معہ احباب شرکت فرماکر سعادت دارین حاصل کریں ۔اس طرح کی درخواست اہل خاندان صاحب سجادہ نشین و بزم فیضان مکھاشاہ اولیاءمدار ‘بڑی درگاہ شریف ناندیڑ کی ہے۔
