شکھر دھون 117 رن بنا کر آؤٹ، ہندوستان کا اسکور 230/2
شکھر دھون 109 گیندوں میں 117 رن بنا کر آؤٹ ہوئے، انہیں مچل اسٹارک نے کاٹ اینڈ بولڈ آؤٹ کیا۔ ہندوستان کا اسکور فی الحال 38 اوور کے اختتام کے بعد 230/2 رن ہے۔
شکھر دھون کی سنچری مکمل
سلامی بلے باز شکھر دھنو نے شاندار کارکردگی کا مظاہرہ کرتے ہوئے اپنی سنچری مکمل کر لی ہے، انہوں نے 95 گیندوں کا سامنا کیا اور اپنی اننگ میں 13 چوکے لگائے۔
ہندوستان کا اسکور فی الحال 33 اوور کے اختتام کے بعد ایک وکٹ کے نقصان پر 190 رن ہے۔ میدان پر موجود دوسرے بلے باز وراٹ کوہلی 23 رن بنا کر کھیل رہے ہیں۔ ہندوتان ایک بڑے اسکور کی طرف گامزن ہے۔
ہندوستان کا اسکور ایک وکٹ کے نقصان پر 150 رن کے پار
ٹاس جیت کر پہلے بلے بازی کرتے ہوئے ہندوستان نے 27 اوور کے بعد ایک وکٹ کے نقصان پر 157 رن بنا لئے ہیں۔ شکھر دھون شاندار 83 رن پر کھیل رہے ہیں، انہوں نے اپنی اننگ کے دروان 11 چوکے لگائے ہیں۔ روہت شرما کے آؤٹ ہونے پر میدان پر آئے وراٹ کوہلی 12 رن کے اسکور پر کھیل رہے ہیں۔
ہندوستان کو آسٹریلیا نے دیا پہلا جھٹکا، روہت 57 رن بنا کر آؤٹ
ہندوستان کو روہت شرما کے طور پر پہلا جھٹکا لگا، وہ 57 رن (70 گیند) کے نجی اسکور پر کوٹلر کی گیند پر الیکس کیری کے ہاتھوں وکٹ کے پیچھے لپکے گئے۔
ہندوستان کا اسکور فی الحال 23 اوور کے اختتام کے بعد ایک وکٹ کے نقصان پر 127 رن ہے۔
ہندوستان کا 20 اوور کے بعد اسکور 111/0
ہندوستان نے پہلے بلے بازی کرتے 20 اوور کے بعد ہوئے بغیر کسی نقصان کے 111 رن بنا لئے ہیں۔ دونوں سلامی بلے باز نصف سنچریاں اسکور کر چکے ہیں۔ روہت شرما اس وقت 50 جبکہ شکھر دھون 62 رن بنا چکے ہیں۔
آسٹریلیا کے خلاف ٹاس جیت کر ہندوستان کا پہلے بلے بازی کا فیصلہ، اسکور 79/0
آسٹریلیا کے خلاف ٹاس جیت کر پہلے بلے بازی کرتے ہوئے ہندوستان نے بہترین شروعات کی ہے اور 15 اوور کے اختتام کے بعد 81 رن بنا لئے ہیں۔ روہت شرما اس وقت 31 رن بنا کر جبکہ شکھر دھون 45 رن بنا کر کھیل رہے ہیں۔
عالمی کپ: آسٹریلیا کے خلاف ٹاس جیت کر ہندوستان کا پہلے بلے بازی کا فیصلہ
کرکٹ المی کپ 2019 انگلینڈ کے دی اوول میدان پر کھیلے جار ہے ہندوستان اور آسٹریلیا کے میچ میں وراٹ کوہلی نے پہلے بلے بازی کا فیصلہ کیا ہے۔ سلامی بلے باز کے طور پر شکھر دھون اور روہت شرما میدان پر پہنچے ہیں۔ اس میچ میں ٹاس کو اہم مانا جا رہا تھا، ماہرین کا خیال ہے کہ دوسری اننگ میں بلے بازی کچھ مشکل ہو جائے گی۔
TOSS NEWS!
India win the toss and choose to bat! Both teams are unchanged. #INDvAUS LIVE ? https://t.co/tdWyb7lIw6 pic.twitter.com/CjsrEFwLEL
— ICC (@ICC) June 9, 2019
ہندوستان اور آسٹریلیا مد مقابل
عالمی عالمی کپ 2019 میں ہندوستان اپنے دورے میچ میں آسٹریلیا کے مد مقابل ہے۔ کرکٹ فینز میں اس میچ کے حوالہ سے زبردست کریز نظر آ رہا ہے۔ اوول کے جس میدان پر میچ کھیلا جا رہا ہے وہاں ہزاروں کی تعداد میں ہندوستانی ناظرین نیلے رنگ کی شرٹ پہن کر پہنچے ہیں۔ خواہ ہندوستان کی کارکردگی ابھی تک کے کھیلے گئے عالمی کپ میں آسٹریلیا کے خلاف بہتر نہ رہی ہو لیکن آج کا مقابلہ کانٹے کا ہونے جا رہا ہے۔ عالمی کپ میں ابھی تک ہندوستان اور آسٹریلیا نے ایک دوسرے سے 11 میچ کھیلے ہیں جن میں سے 8 آسٹرلییا نے اور 3 ہندوستان نے جیتے ہیں۔
دونوں ٹیموں میں کوئی تبدیلی نہیں
ہندوستان: روہت شرما، شکھر دھون، وراٹ کوہلی (کپتان)، کے ایل راہل، کیدار جادھو، ایم ایس دھونی (وکٹ کیپر)، ہاردک پانڈیا، بھونیشور کمار، کلدیپ یادو، یجویندر چہل، جسپریت بمراہ۔
آسٹریلیا: ڈیوڈ وارنر، ایران فنچ (کپتان)، عثمان خواجہ، اسٹیو اسمتھ، گلین میکس ویل، مارکس اسٹوئنس، ایلیکس کیری (وکٹ کیپر)، ناتھن کولٹر نائل، پیٹ کمنس، مشیل اسٹارک، ایڈم جامپا۔
– Source بشکریہ قومی آواز بیورو—