جنوبی ہند کی تین ریاستوں میں 22 دسمبر تک موسلا دھار بارش کا امکان: آئی ایم ڈی

نئی دہلی:ہندوستان کے محکمہ موسمیات(آئی ایم ڈی) نے پیش گوئی میں کہا ہے کہ جنوبی ریاستوں تامل ناڈو اور کیرالہ میں آئندہ چند روز تک بھاری بارش ہونے کا امکان ہے ۔

آئی ایم ڈی کے مطابق تامل ناڈو ، پڈوچیری اور کیرالہ کے الگ تھلگ مقامات پر بھاری بارش کا امکان ہے۔ ان مقامات پر گرج چمک کے ساتھ آسمانی بجلی گرنے کا بھی امکان ہے۔

آئی ایم ڈی نے بتایا کہ صورتحال 22 دسمبر تک بدستور جاری رہے گی۔ اس نے مزید کہا کہ لکشدیپ ، انڈمان اور نکوبار جزیرے ، جنوبی ساحلی آندھرا پردیش اور یانم کو بھی اس عرصے کے دوران بارش کا سامنا کرنا پڑے گا۔
محکمہ موسمیات نے اپنی پیش گوئی میں کہا ہے کہ ملک کے باقی حصوں میں موسم خشک رہنے کا امکان ہے۔اس دوران شمالی ہندوستان سردی کی لہر کی لپیٹ میں ہے اور گھنے دھند نے متعدد ریاستوں کو اپنی لپیٹ میں لے لیا ہے۔ منگل کو قومی دارالحکومت دہلی میںکم سے کم درجہ حرارت – 4.1 ڈگری سیلسیئس ریکارڈ کیا گیا۔ وہیں بدھ کے روز دہلی کا کم سے کم درجہ حرارت 5.9 ڈگری سینٹی گریڈ(صبح 6.30 بجے)رہا۔

آئی ایم ڈی نے کہا ہے کہ اگلے 2 دن تک پنجاب ، ہریانہ ، چنڈی گڑھ ، دہلی ، شمالی راجستھان اور مغربی اتر پردیش میں سرد ی کے حالات برقرار رہنے کا امکان ہے۔ ان علاقوں میں متعدد جگہوں پرجمعہ اور سنیچر کے روز شدید سردی کی لہر کا سامنا کرنا پڑ سکتا ہے۔
ہماچل پردیش کی کیلاونگ اور کلمپا ریاستوں میں خشک موسم کے باوجود درجہ حرارت صفر ڈگری ریکارڈ کیا گیا۔
وادی کشمیر میں رات کا درجہ حرارت صاف ستھرا آسمان کی وجہ سے انجماد سے نیچے گر گیا ، گلمرگ کا مشہور سکی ریزورٹ منفی 10.2 ڈگری سینٹی گریڈ کے ساتھ کانپ رہا ہے۔

آئی ایم ڈی حکام نے بتایا کہ وادی کے تمام موسمی سٹیشنوں میں اس موسم میں رات کادرجہ حرارت معمول سے کئی ڈگری نیچے ریکارڈ کیا گیا ۔راجستھان کا چورو کم سے کم درجہ حرارت 5.2 ڈگری سینٹی گریڈ کے ساتھ سرد ترین مقام تھا اس کے بعد پلانی میں رات کا درجہ حرارت 5.3 ڈگری سینٹی گریڈ ریکارڈ کیا گیا

اپنی رائے یہاں لکھیں