اکشر دھام مندر کے نزدیک پولیس کی گاڑی پر فائرنگ
نئی دہلی: دہلی کے منڈاولی تھانہ علاقے میں واقع مشہور اکشردھام مندر احاطہ کے باہر اتوار کو نامعلوم بدمعاشوں نے پولیس فورس کی گاڑی پر فائرنگ کرکے اسے نقصان پہنچایا ۔ اس واقعہ میں فی الحال کسی جانی نقصان کی اطلاع نہیں ہے۔پولیس ذرائع نے یہاں بتایا کہ حملہ آوروں کو تلاش کرنے کے لئے بڑے پیمانے پر تلاشی مہم شروع کی گئی ہے اور اب تک کسی کو گرفتار نہیں کیا جا سکا ہے ۔ اس حملے میں ملوث حملہ آوروں کا اب تک کوئی پتہ نہیں چل سکا ہے ۔ پولیس معاملے کی جانچ کر رہی ہے ۔مزید تفصیلات کا انتظار ہے۔
کشمیری پنڈتوں نے کی مودی سے ملاقات
ہیوسٹن: امریکہ پہنچنے کے چند گھنٹوں کے اندر اندر وزیر اعظم نریندر مودی سے اتوار کو کشمیری پنڈتوں کے ایک وفد نے ملاقات کر کے حکومت کی جانب سے دہشت گردی سے متاثر جموں و کشمیر کو خصوصی درجہ دینے سے متعلق دفعہ 370 كا خاتمہ کرنے اور ریاست کو دو مرکز کے زیر انتظام علاقوں میں تقسیم کرنے کے اقدامات کی پرزور حمایت کی۔
وزیر اعظم کے دفتر نے ٹویٹ کر کے کہا ’’ہیوسٹن میں کشمیری پنڈت برادری کے ایک وفد نے وزیر اعظم سے ملاقات کی ۔ انہوں نے بھارت کی ترقی اور ہر ہندوستانی کو بااختیار بنانے کے لئے اٹھائے جا رہے اقدامات کی پرزور حمایت کی‘‘۔ جموں و کشمیر کو خصوصی درجہ دینے سے متعلق دفعہ 370 کو ختم کرنے اور ریاست کو جموں و کشمیر اور لداخ کو مرکز کے زیر انتظام علاقوں میں تقسیم کرنے کے پانچ اگست کو کئے گئے فیصلے کے بعد مودی کایہ پہلا امریکہ دورہ ہے ۔
وزیر اعظم مودی کو امریکہ میں اپنے سات روزہ دورے کے پہلے دن یہاں داؤدي بوہرہ فرقہ اور سکھ قرقہ کے نمائندوں کی طرف سے اعزاز سے بھی نوازا ۔ وزیر اعظم نے داؤدي بوہرا فرقہ سے ملاقات کی اور گزشتہ سال بوہرہ فرقہ کی جانب سے اندور میں منعقد پروگرام میں حصہ لینے کو یاد کیا ۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-