دہلی: 22 روپے کلو پیاز فروخت ہونے کی خبر سن کر لگی لمبی قطار
ملک میں پیاز کی بڑھتی قیمتوں کے درمیان دہلی میں 22 روپے کلو پیاز فروخت ہو رہا ہے۔ دراصل حکومت ہند کی جانب سے فراہم کی گئی ایک گاڑی میں 22 روپے کلو پیاز فروخت ہو رہا ہے اور پیاز خریدنے والوں کی لمبی قطار لگ گئی ہے۔ قابل ذکر ہے کہ 23 ستمبر کو دہلی کے وزیر اعلیٰ اروند کیجریوال نے جلد دہلی میں 24 روپے کلو پیاز فروخت کیے جانے کی بات کہی تھی، لیکن اس سے پہلے حکومت ہند کے ذریعہ 22 روپے کلو پیاز فراہم کیا جا رہا ہے۔ لیکن ایسا پوری دہلی میں نہیں ہو رہا بلکہ کچھ ہی لوگ 22 روپے کلو پیاز سے فیضیاب ہو رہے ہیں۔
Delhi: People queue up to buy onions being sold at Rs 22 per kg by the Government of India. pic.twitter.com/Ew448jHbmh
— ANI (@ANI) September 24, 2019
پرینکا گاندھی نے اتر پردیش میں بڑھتے جرائم کو لے کر تشویش کا کیا اظہار
کانگریس جنرل سکریٹری پرینکا گاندھی نے اتر پردیش میں لگاتار بڑھ رہے جرائم کو لے کر تشویش کا اظہار کیا ہے اور اس کے لیے ریاست کی یوگی حکومت کو تنقید کا نشانہ بھی بنایا۔ انھوں نے ایک ٹوئٹ کیا ہے جس میں لکھا ہے کہ ’’آپ اتر پردیش بی جے پی حکومت کے دعووں اور ان کی حقیقت کو ملا کر دیکھیے۔ بی جے پی حکومت ہر روز جرائم سے پاک ریاست کا ڈھول پیٹ رہی ہے جب کہ حقیقت یہ ہے کہ 22 دنوں میں 12 گولی باری کے واقعات اور 4 قتل ہوئے۔ خواتین پر مظالم بھی ہوئے۔‘‘ پرینکا گاندھی نے کہا کہ ریاستی حکومت کا جرائم پر اب کوئی کنٹرول نہیں رہا۔
आप उत्तर प्रदेश भाजपा सरकार के दावों और उनकी हकीकत का मिलान करके देखिए।
भाजपा सरकार हर रोज अपराधमुक्त करने का ढोल पीट रही है जबकि सच्चाई ये है 22 दिनों में 12 गोलीकांड, 4 हत्याएँ। महिलाओं पर अत्याचार।
प्रदेश सरकार का अपराध पर कोई काबू नहीं है।https://t.co/n6SJZjLGu5
— Priyanka Gandhi Vadra (@priyankagandhi) September 24, 2019
بغداد میں امریکی سفارت خانے کے قریب راکٹ سے حملہ
بغداد: عراق کے دارالحکومت بغداد میں امریکی سفارت خانے کے قریب واقع انتہائی سیکورٹی والے علاقے ’گرین زون‘ میں منگل کو دو راکٹ داغے گئے۔ مقامی میڈیا رپورٹس میں یہ اطلاع دی گئی۔ اسکائی نیوز عربیہ ٹی وی چینل کی خبروں کے مطابق امریکی سفارت خانے میں ہوائی حملے کی سائرن کی آواز سنائی دی۔ ’گرین زون‘ کے علاقے میں راکٹ فائر کے واقعے میں کسی جانی نقصان کی خبر نہیں ہے۔ واقعے کے بعد گرین زون کی دو چوکیاں بند کردی گئی ہیں۔
عمران خان کا دہشت گردی پر سب سے بڑا خلاصہ، پاک آرمی نے دی تھی القاعدہ کو ٹریننگ
پاکستان کے وزیر اعظم عمران خان نے مانا ہے کہ خونخوار دہشت گرد تنظیم القاعدہ کی ٹریننگ ان کے ہی ملک میں ہوئی تھی، امریکی تھنک ٹینک كاؤنسل آن فارن ریلیشنز (CFR) میں عمران خان نے کہا کہ 11 ستمبر 2001 کو امریکہ کے ورلڈ ٹریڈ سینٹر پر حملے سے پہلے القاعدہ کے دہشت گردوں کو پاکستانی آرمی اور آئی ایس آئی نے ٹریننگ دی تھی، انہوں نے کہا کہ پاکستان کی حکومت نے 9/11 کے تباہ کن واردات کے بعد ان دہشت گرد گروپوں کے تئیں اپنی پالیسی بدل لی تھی، لیکن پاکستان آرمی تبدیل نہیں چاہتی تھی۔
اتر پردیش: اعظم گڑھ میں نابالغ لڑکی کے ساتھ اجتماعی عصمت دری، دو ملزم گرفتار
اتر پردیش کے اعظم گڑھ میں 19 ستمبر کو دو لوگوں نے ایک نابالغ لڑکی کو اس کے اسکول کے باہر سے اغوا کر لیا اور اس کی اجتماعی عصمت دری کی۔ پولس کا کہنا ہے کہ ایف آئی آر درج کر لی گئی ہے، اور دو ملزمین کو گرفتار کر لیا گیا ہے۔ ایسی خبریں تھیں کہ متاثرہ کا نام اسکول سے کاٹ دیا گیا ہے، لیکن اس خبر کو پولس نے افواہ قرار دیا ہے۔ پولس کا کہنا ہے کہ لڑکی کا نام اسکول سے نہیں کاٹا گیا ہے۔
Azamgarh: A minor was allegedly abducted from outside her school&gang-raped by 2 men on September 19. Police say,''FIR has been registered and the 2 accused have been arrested in the case. The girl's name has not been struck off from school, these were all rumours.'' (23.09) pic.twitter.com/INWn0SsQre
— ANI UP (@ANINewsUP) September 24, 2019
ممبئی میں پیاز کی قیمت 100 روپے کے قریب پہنچنے سے لوگ پریشان
ملک بھر میں پیاز کی قیمت آسمان چھو رہی ہے۔ ممبئی میں آج پیاز 75 سے 80 روپے فی کلو فروخت ہو رہا ہے۔ یہاں تھوک قیمت 4400 فی کوئنٹل ہے جب کہ دہلی میں پیاز کی قیمت 60 روپے کلو تک پہنچ گئی ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-