اہم خبر: میانمار میں تودے گرنے سے اب تک 41 افراد ہلاک

میانمار میں تودے گرنے سے اب تک 41 ہلاک

یانگون: میانمار کی منو ریاست میں مٹی کے تودے گرنے کے واقعہ میں مرنے والوں کی تعداد 29 سے بڑھ کر 41 ہوگئی ہے۔

فائربریگیڈ کے محکمے نے بتایا کہ تیز بارش کے سبب جمعہ کے روز کوما لاٹ پہاڑ کا ایک حصہ گر گیا تھا جس میں کئی لوگ اور گاڑیاں دب گئی تھیں۔

اس برس میانمار میں بھاری بارش ہوئی ہے۔ اقوام متحدہ کے انسانی حقوق کے محکمے کے جاری کردہ اعداد و شمار کے مطابق میانمار میں تیز بارش اور سیلاب کی وجہ سے جون سے اب تک 105000 لوگ بے گھر ہوگئے ہیں۔

کرناٹک میں مٹی کے کٹاؤ اور تودے گرنے سے ریل سفر متاثر

کرناٹک کے کئی علاقوں می سیلاب سے مٹی کے کٹاؤ اور تودے گرنے سے سکلیش پور اور سبرمنیہ اسٹیشن کے درمیان ریلوے سرس متاثر ہوئی ہے۔

کرناٹک میں سیلاب، 10 ٹرین 23 اگست تک معطل

بنگلور: جنوب مغربی ریلوے (ایس ڈبلیو آر) نے کرناٹک میں سیلاب کی سنگین صورت حال کے درمیان ہاسن۔بنگلور کے علاقے میں ہوئے تودہ گرنے کے بعد 10 ٹرینوں کی آمدورفت 23 اگست تک ملتوی کرنےکا سنیچر کو اعلان کیا۔

یہاں سنیچر کو جاری ریلوے کی ریلیز کے مطابق جن ٹرینوں کی خدمات معطل کی گئی ہیں ان میں یشونت پور۔کارواڑ ایکسپریس، کارواڑ۔یشونت پور ایکسپریس، کے ایس آر۔ بنگلورو ایکسپریس ، کے ایس آر بنگلورو۔کارواڑ ایکسپریس، کنور۔کے ایس آر بنگلورو ایکسپریس، کارواڑ۔ کے ایس آر بنگلورو ایکسپریس ، یشونت پور۔ بنگلورو ایکسپریس وغیرہ ٹرینیں شامل ہیں۔

گزشتہ پانچ دنوں میں ہاسن اور سبرمنیے سڑک کے درمیان تودہ اور درخت گرنے کی 30 واقعات ہوئے ہیں۔

سرکاری ذرائع کے مطابق بندوال شہر میں سابق مرکزی وزیر بی جناردن پجاری اور ان کے اہل خانہ کے اراکین سمیت 1000 لوگوں کو سیلابی پانی سے نکال کر محفوظ مقامات پر پہنچایاگیا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-