شام میں پھر ہوگی سی ڈبلیو سی کی میٹنگ، طے ہوگا کانگریس صدر کا نام: ادھیر رنجن چودھری
کانگریس ورکنگ کمیٹی کی میٹنگ ختم ہونے کے بعد ادھیر رنجن چودھری نے کہا کہ ہم پھر سے 8.30 بجے ملیں گے اور (نئے پارٹی سربراہ کا نام) آج رات 9 بجے تک فائنل ہونے کی امید ہے۔ قابل ذکر ہے کہ آج صبح سے ہی سی ڈبلیو سی کی میٹنگ چل رہی تھی جس میں سونیا گاندھی اور راہل گاندھی بھی موجود تھے لیکن بعد میں وہ میٹنگ سے باہر آ گئے اور کہا کہ پارٹی صدر کے انتخاب کے عمل میں وہ شریک نہیں ہوں گے۔
Adhir Ranjan Chaudhary after Congress Working Committee(CWC) meeting ends: We will meet again at 8.30 pm, it(name of new party chief) is expected to be finalized by 9 pm today itself pic.twitter.com/HC05bFke5v
— ANI (@ANI) August 10, 2019
سی ڈبلیو سی میٹنگ: سونیا اور راہل کا صدارتی انتخاب کے عمل میں شریک نہ ہونے کا فیصلہ
کانگریس ورکنگ کمیٹی کی میٹنگ ختم ہو گئی ہے۔ میٹنگ ختم ہونے سے پہلے ہی سونیا گاندھی اور راہل گاندھی باہر نکلے اور اس کے بعد میڈیا سے کہا کہ صدر عہدہ کے انتخاب سے متعلق عمل میں ہم حصہ نہیں ہو سکتے۔ سونیا گاندھی نے مزید کہا کہ میرا اور راہل گاندھی کا نام کمیٹی میں ڈالنا مناسب نہیں اس لیے ہم لوگ باہر جا رہے ہیں۔ خبروں کے مطابق انتخاب کے بعد کے منظرنامہ پر گفتگو کرنے کے لیے ایک اور سی ڈبلیو سی میٹنگ آج شام یا کل بلائی جا سکتی ہے۔
کانگریس ورکنگ کمیٹی کی میٹنگ شروع، سونیا اور راہل سمیت کئی سینئر لیڈران موجود
کانگریس ورکنگ کمیٹی (سی ڈبلیو سی) کی ایک انتہائی اہم میٹنگ پارٹی دفتر میں جاری ہے۔ اس میٹنگ میں یو پی اے چیئرپرسن سونیا گاندھی، کانگریس رکن پارلیمنٹ راہل گاندھی، احمد پٹیل، غلام نبی آزادی، اشوک گہلوت، ملکارجن کھڑگے وغیرہ موجود ہیں۔
Delhi: Congress leaders Rahul Gandhi, Randeep Surjewala and KC Venugopal arrive at party office for Congress Working Committee (CWC) meeting. pic.twitter.com/sPoQvqufuc
— ANI (@ANI) August 10, 2019
تین طلاق دینے کے الزام میں دہلی کے ایک شخص کو پولس نے کیا گرفتار
طلاقِ ثلاثہ بل پارلیمنٹ سے پاس ہونے اور اس پر صدر جمہوریہ کی منظوری ملنے کے بعد اب قانون بن چکا ہے۔ قانون بننے کے بعد ملک کی کچھ ریاستوں میں مسلم مردوں پر تین طلاق دینے کے الزام میں کارروائی بھی ہو چکی ہے۔ اب دہلی میں بھی ایک شخص کو تین طلاق دینے کے الزام میں گرفتار کیا گیا ہے۔ بتایا جاتا ہے کہ دہلی کے آزاد مارکیٹ علاقہ میں ایک مسلم شخص کو اس لیے گرفتار کر لیا گیا کیونکہ اس نے اپنی بیوی کو ایک بار میں تین طلاق دے دیا۔ پولس نے مسلم خواتین تحفظ ایکٹ 2019 کے تحت معاملہ درج کر لیا ہے اور ملزم کو گرفتار بھی کر لیا ہے۔
Delhi: Man arrested in Azad market area on charges of giving triple talaq to his wife. Case was registered under the Muslim Women(Protection of Rights on Marriage) Act 2019
— ANI (@ANI) August 10, 2019
دفعہ 370 ہٹنے کے بعد آج جموں میں کھلے سبھی اسکول، دفعہ 144 ہٹائی گئی
جموں و کشمیر سے دفعہ 370 ہٹانے اور خصوصی ریاست کا درجہ ختم کرنے کو لے کر ریاست میں گزشتہ تقریباً 5 دنوں سے قائم کشیدہ حالات میں اب بہتری دیکھنے کو مل رہی ہے۔ جموں میں ہفتہ کے روز صبح اسکول کھل گئے اور سڑکوں پر بچوں اور ان کے گھر والوں کی چہل قدمی دیکھنے کو ملی۔ دوسری طرف گورنر ستیہ پال ملک نے بھی مختلف اسپتالوں کا دورہ کر حالات کی جانکاری لی۔ انھوں نے بتایا کہ ریاست میں اب امن ہے اور کسی طرح کا ناخوشگوار واقعہ پیش نہیں آیا ہے۔
JAMMU: Schools have reopened in the city from today. #JammuAndKashmir pic.twitter.com/384bgCLh0h
— ANI (@ANI) August 10, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-