اہم خبر: ایگزیکیوٹیو کی طاقت کے غلط استعمال سے قومی سلامتی کو خطرہ… راہل گاندھی

by

ایگزیکیوٹیو کی طاقت کے غلط استعمال سے قومی سلامتی کو خطرہ: راہل

نئی دہلی: کانگریس کے رہنما راہل گاندھی نے جموں و کشمیر کو خصوصی ریاست کا درجہ دینے والے آئین کی دفعہ 370 کو ختم کئے جانے کے پس منظر میں آج کہا کہ ایگزیکیوٹیو کی طاقت کا غلط استعمال سے قومی سلامتی کے لئے سنگین خطرہ لاحق ہوجائے گا۔ مسٹر گاندھی نے اپنے ٹوئٹ میں کہا ”یک طرفہ طریقے سے جموں و کشمیر کو توڑ کر ہمارے منتخب نمائندوں کو قید کرکے اور ہمارے آئین کی خلاف ورزی کرکے قومی اتحاد مستحکم نہیں ہوگا۔ یہ ملک اپنے عوام سے بنا ہے‘ زمین کے ٹکڑوں سے نہیں۔ ایگزیکیوٹیو کی طاقتوں کے اس طرح غلط استعمال سے قومی سلامتی کو سنگین خطرہ لاحق ہوجائے گا۔“
قبل ازیں کانگریس کے رہنما غلام نبی آزاد‘ پی چدمبرم او رمنیش تیواری آئین کی دفعہ 370 کو ختم کئے جانے پر اعتراضات ظاہر کرچکے ہیں۔

اناؤ عصمت دری واقعہ کی شکار لڑکے کے وکیل کو علاج کے لیے دہلی لایا گیا

اناؤ عصمت دری کی شکار لڑکی کے وکیل کو دہلی واقع آل انڈیا انسٹی ٹیوٹ آف میڈیکل سائنسز (ایمس) کے ٹروما سنٹر میں لایا گیا ہے۔ ان کا علاج پہلے لکھنؤ میں چل رہا تھا لیکن ان کی حالت سنگین بنی ہوئی ہے۔ واضح رہے کہ ایک سڑک حادثہ میں اناؤ عصمت دری متاثرہ لڑکی اور ان کے وکیل بری طرح زخمی ہو گئے تھے اور اس حادثہ کا الزام اناؤ واقعہ کے اہم ملزم سینگر پر عائد کیا جا رہا ہے۔


بابری مسجد کیس: چیف جسٹس رنجن گوگوئی اور وکیل راجیو دھون کے درمیان زبردست بحث

بابری مسجد اور رام مندر اراضی تنازعہ پر سپریم کورٹ میں بحث جاری ہے اور اس درمیان چیف جسٹس رنجن گوگوئی اور بابری مسجد کے حق میں کیس لڑ رہے وکیل راجیو دھون کے درمیان تلخ نوک جھونک دیکھنے کو ملی۔ رنجن گوگوئی نے راجیو دھون سے کہا کہ وہ عدالت کے وقار کو برقرار رکھیں اور اپنی بات مناسب طریقے سے رکھیں۔ چیف جسٹس کی بات سن کر راجیو دھون نے کہا کہ ’’عدالت نے مجھ سے ایک سوال کیا جس کا میں جواب دے رہا ہوں۔‘‘ اس پر چیف جسٹس رنجن گوگوئی نے ناراض ہوتے ہوئے کہا کہ ’’کیا یہ طریقہ ہے جواب دینے کا، آپ عدالت کے ایک افسر ہیں۔‘‘


ایودھیا کیس: سپریم کورٹ میں روزانہ سماعت کا سلسلہ آج سے شروع

آج سے سپریم کورٹ میں ایودھیا معاملہ پر روزانہ سماعت کا آغاز ہو گیا ہے۔ 2 اگست کو ہوئی سماعت کے دوران سپریم کورٹ نے فیصلہ کیا تھا کہ ثالثی کا عمل ختم کر کے روزانہ سماعت ہوگی کیونکہ تشکیل شدہ ثالثی ٹیم نے کوئی خاص پیش رفت نہیں کی۔ آج سپریم کورٹ میں سماعت کے دوران کے این گوونداچاریہ نے گزارش کی کہ عدالتی کارروائی کی آڈیو/ویڈیو ریکارڈنگ ہو اور ٹرانسمیشن یا لائیو اسٹریمنگ کا انتظام ہو۔ لیکن عدالت نے ان کی گزارش کو مسترد کر دیا۔


تیز بارش سے دہلی کا نظارہ ہوا خوشگوار

دہلی میں صبح سے ہی موسم انتہائی خوشگوار ہے اور تیز بارش ہو رہی ہے۔ حالانکہ دہلی کے کچھ علاقوں میں ہلکی بارش ہو رہی ہے لیکن کالکا جی مندر، نہرو پلیس، آئی ٹی او اور پرانی دہلی کے علاقے میں بارش تیز ہو رہی ہے۔ بارش کا امکان پہلے سے ہی ظاہر کیا جا رہا تھا اس لیے دفاتر نکلنے سے پہلے لوگوں نے چھاتے اور برساتی اپنے ساتھ رکھ لیے تھے۔ اس بارش کی وجہ سے کچھ نشیبی علاقوں میں آبی جماؤ کا نظارہ بھی دیکھنے کو مل رہا ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading