اہم خبر: ایودھیا معاملہ پر ثالثی کمیٹی 25 جولائی تک تفصیلی رپورٹ پیش کرے… سپریم کورٹ

ایودھیا معاملہ پر ثالثی پینل 25 جولائی تک تفصیلی رپورٹ پیش کرے: سپریم کورٹ

ایودھیا معاملہ پر اہم سماعت کرتے ہوئے آج سپریم کورٹ نے ثالثی پینل سے کہا ہے کہ وہ 25 جولائی تک تفصیلی رپورٹ پیش کرے۔ سپریم کورٹ نے آج کہا کہ ’’اس مسئلہ کا حل نکالنے کے لیے ہم نے ایک ثالثی پینل بنایا تھا اور اس کی رپورٹ کا ہم انتظار کر رہے ہیں۔‘‘ اس سلسلے میں اب آئندہ سماعت 25 جولائی کو ہوگی۔

کچھ میڈیا ذرائع کے مطابق ثالثی پینل سے کہا گیا ہے کہ وہ 18 جولائی تک اسٹیٹس رپورٹ پیش کر دیں تاکہ آئندہ سماعت میں یہ فیصلہ کیا جا سکے کہ ثالثی کا عمل آگے بڑھایا جائے یا پھر روزانہ اس کیس پر سماعت کی جائے۔

سینئر وکیل اندرا جے سنگھ اور آنند گروور کے گھر و دفتر پر سی بی آئی کا چھاپہ

سپریم کورٹ کی سینئر وکیل اندرا جے سنگھ اور آنند گروور کے گھر اور دفتر پر سی بی آئی کی ٹیم نے چھاپہ مارا ہے۔ بتایا جا رہا ہے کہ این جی او کے لیے غیر ملکی فنڈنگ میں مبینہ بے ضابطگیوں کو لے کر سی بی آئی یہ کارروائی کر رہی ہے۔

ایودھیا تنازعہ پر جلد سماعت کا مطالبہ کرنے والی عرضی پر سماعت آج

ایودھیا کیس کی جلد سماعت کا مطالبہ کرنے والی عرضی پر سپریم کورٹ میں آج سماعت ہوگی۔ چیف جسٹس رنجن گوگوئی کی صدارت والی پانچ ججوں کی بنچ سماعت کرے گی۔ ہندو فریق گوپال سنگھ وشارد نے ثالثی میں کوئی ٹھوس پیش رفت نہ ہونے کی بات کہتے ہوئے کورٹ سے اہم معاملے پر جلد سماعت کا مطالبہ کیا ہے۔ اس درمیان مندر فریقین نے بھی غیر متنازعہ زمین پر تعمیری کام شروع کرنے کے لیے عدالت میں عرضی داخل کی ہے۔ اس کیس کی بھی سماعت آج ہونی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-