ممبئی: ملک میں انتخابات کو غیر جانب دار اور شفاف طریقے سے منعقد کرانا الیکشن کمیشن کی بنیادی ذمہ داری ہے، لیکن جمہوریت کے اس اہم ستون پر شکوک و شبہات کے سائے گہرے ہوتے جارہے ہیں۔ لوک سبھا میں قائدِ حزبِ اختلاف راہل گاندھی نے یہ انکشاف کیا ہے کہ بھارتیہ جنتا پارٹی الیکشن کمیشن کی مدد سے ووٹ چوری کر رہی ہے۔ اسی پس منظر میں ممبئی یوتھ کانگریس کی صدر زینت شبرین کی قیادت میں یوتھ کانگریس کے عہدیداران نے ممبئی میٹرو اور لوکل ٹرینوں میں معلوماتی پمفلٹ تقسیم کرکے عوام میں ووٹ چوری کے خلاف عوامی بیداری پیدا کی۔
یوتھ کانگریس کی صدر زینت شبرین اور ان کی ٹیم نے گھاٹ کوپر سے ساکی ناکہ اور اندھیری سے گورےگاؤں تک میٹرو اور لوکل میں سفر کرتے ہوئے مسافروں سے براہِ راست گفتگو کی اور انہیں انتخابی عمل میں مبینہ دھاندلی اور بی جے پی तथा الیکشن کمیشن کے کردار سے آگاہ کیا۔ اطلاعاتی پمفلٹ تقسیم کرتے ہوئے عوام کو ووٹ چوری کے مختلف طریقوں اور اس کے جمہوری نتائج کے بارے میں بتایا گیا، ساتھ ہی ملک کی جمہوریت کے تحفظ کے لیے شہریوں سے اس مہم میں بھرپور حصہ لینے کی اپیل کی گئی۔
زینت شبرین نے کہا کہ لوک سبھا میں قائدِ حزبِ اختلاف راہل گاندھی جمہوریت اور آئین کی حفاظت کے لیے لڑ رہے ہیں۔ انہوں نے الیکشن کمیشن کی بدعنوانیوں کو ٹھوس ثبوتوں کے ساتھ بے نقاب کیا ہے اور ان عناصر کی پول کھولی ہے جو جمہوری ڈھانچے کا گلا گھونٹنے پر تلے ہوئے ہیں۔ راہل گاندھی کی اس جدوجہد میں یوتھ کانگریس پوری قوت کے ساتھ ان کے ساتھ کھڑی ہے اور ووٹ چوری کے خلاف عوامی بیداری کو ہمارا فرض سمجھتی ہے۔
MPCC Urdu News 9 November 25.docx